తొలి విడత పోటీలో 219మంది
23.27 లక్షల మంది ఓటర్లు 5.66 యువ ఓటర్లు సెప్టెంబర్ 18న తొలిదశ ఎన్నికలు
శ్రీనగర్: జమ్మూకశ్మీర్ తొలి విడత ఎన్నికల్లో 219 మంది అభ్యర్థులు రంగంలో ఉన్నారు. నామినేషన్ల ఉపసంహరణ పూర్తయ్యింది. 24 అసెంబ్లీ స్థానాలకు తొలిదశ సెప్టెంబర్ 18న పోలింగ్ జరగనుంది. మొత్తం 280 నామినేషన్ లు దాఖలయ్యాయి. 25 ఉపసంహరణ, 35 తిరస్కరణ తరువాత 219 మంది పోటీలో నిలిచారు.
ఇందర్వాల్ –9 మంది పోటీలో ఉండగా, పద్దర్ నాగసేని 6, భదర్వా 10, దోడా 9, దోడా వెస్ట్ 8, రాంబన్ 8, బనిహాల్ 7, పాంపోర్ 14, త్రాల్ 9, పుల్వామా 12, రాజ్ పోరా 10, జైన్ పోరా 10, పోషియాన్ 11 మంది, పోరా 6, కుల్గామ్ 10, డియోసర్ 9, దురు 10, అనంత్ నాగ్ పశ్చిమ 9, అనంత్ నాగ్ 13, బిజ్ బెహరా 3, షాంగాస్ 13, పహల్గామ్ లో ఆరుగురు అభ్యర్థులు బరిలో ఉన్నారు.
తొలివిడతలో జరగనున్న ఎన్నికల్లో 23.27 లక్షల మంది ఓటర్లుండగా, 11.76 మంది పురుషులు, 11.51 మహిళలు, 5.66 లక్షల మంది యువ, 60మంది థర్డ్ జెండర్ ఓటర్లున్నారు.
