జోషిమఠ్​ పేరు మార్పు జ్యోతిర్మఠ్​ ప్రతిపాదనకు కేంద్రం ఆమోదం

డెహ్రాడూన్​: ఉత్తరాఖండ్​ లోని జోషిమఠ్​ ప్రాంతాన్ని జ్యోతిర్మఠ్​ గా పేరు మారుస్తూ ప్రభుత్వం బుధవారం ఉత్తర్వులు జారీ చేసింది. పేరు మార్పు నిర్ణయాన్ని కేంద్ర ప్రభుత్వం కూడా సమర్థించింది. ఇందుకు సంబంధించిన ప్రతిపాదనపై కేంద్రం ఆమోద ముద్ర వేసినట్లు సీఎం పుష్కర్​ సింగ్​ ధామి చమోలి జిల్లాలో జరిగిన ఒక కార్యక్రమంలో వెల్లడించారు. గతంలోనే సీఎం పుష్కర్​ సింగ్​ ధామి పేరుమార్పు ప్రతిపాదనను కేంద్రానికి సమర్పించారు. గతేడాది జోషిమఠ్​ లో పలుమార్లు భూమి కంపించడం లాంటి ఉపద్రవాలు సంభవించిన విషయం తెలిసిందే.