బస్సు కాల్వలో పడి 14 మంది విద్యార్థులకు గాయాలు
14 students were injured when the bus fell into the canal
చండీగఢ్: హరియాణాలోని పంచకులలో పాఠశాల బస్సు కాల్వలో పడి 14 మంది విద్యార్థులకు గాయాలయ్యాయి. డ్రైవర్ కు తీవ్ర గాయాలయ్యాయి. శనివారం మలేర్ కోట్లలోని నంకనా సాహిబ్ పాఠశాల విద్యార్థులను పంజాబ్ నుంచి మోర్నీ హిల్స్ ను సందర్శించేందుకు విహార యాత్రకు తీసుకువెళుతున్నారు. తిక్కర్ తాల్ రోడ్డు థాల్ గ్రామం సమీపంలోకి రాగానే బస్సు వేగం వల్ల బస్సు అదుపు తప్పి కాలువలో బోల్తా పడింది. దీంతో బస్సులో ప్రయాణిస్తున్న విద్యార్థులతోపాటు ఒక ఉపాధ్యాయుడు, డ్రైవర్ కు గాయాలయ్యాయి. విద్యార్థులను థాల్ గ్రామంలోని ప్రభుత్వాసుపత్రికి తరలించగా, డ్రైవర్ రెండు కాళ్లు విరిగిపోవడంతో వేరే ఆసుపత్రికి తరలించారు. ప్రమాదంపై పోలీసులు దర్యాప్తు చేపట్టారు. బస్సులో 45 మంది ప్రయాణిస్తున్నారు.
