పంజాబ్ లో రోడ్డు ప్రమాదం 10 మంది మృతి?
20మందికి తీవ్ర గాయాలు సీఎం విచారం, సహాయక చర్యల్లో వేగం పెంచాలని ఆదేశం
చండీగఢ్: పంజాబ్ గురుదాస్ పూర్ లో ఘోర రోడ్డు ప్రమాదం జరిగింది. ఈ ప్రమాదంలో చాలామంది మృతి చెందినట్లుగా తెలుస్తోంది. అధికారుల వివరాల ప్రకారం గురుదాస్ పూర్ బటాలా నుంచి కడియా రహదారిపై సోమవారం ఈ ప్రమాదం జరిగింది. బస్సు బటాలా నుంచి మొహాలి వైపు వెళుతుండగా షహాబాద్ గ్రామం వద్ద బస్సు బ్రేకులు ఫెయిలై అదుపు తప్పింది. బస్టాప్ ను వేగంతో ఢీకొంది. బస్సులో ప్రమాద సమయంలో 40 మంది వరకు ప్రయాణిస్తున్నారు. ఈ ప్రమాదంలో పది మంది వరకూ మృతిచెందారని అధికారులు చెబుతున్నా ఇంకా ధృవీకరించలేదు. 20 మంది వరకు గాయాలయ్యాయి. విషయం తెలుసుకున్న వెంటనే పంజాబ్ సీఎం భగవంత్ మాన్ సింగ్ తీవ్ర విచారం వ్యక్తం చేశారు. వెంటనే రెస్క్యూ చర్యలు చేపట్టాలని అధికారులను ఆదేశించారు.
