మోగిన ఎన్నికల నగరా? అన్ని పార్టీలు అప్రమత్తం
elections.. All parties alert
ఎన్డీయే, మహావికాస్ అఘాడీలు అప్రమత్తం
విజయం కోసం విశ్వ ప్రయత్నాలలో పార్టీలు
రెండో ఆర్థిక రాజధానిపై అందరి చూపు
ముంబాయి: ఎన్నికల నగరా మోగింది. దేశానికి ఆర్థిక రాజధానిగా పేరు పొందిన మహారాష్ర్టలో ఎన్నికల ప్రకటనతో ఒక్కసారిగా రాజకీయాలు వేడెక్కాయి. దీనికి తోడు ఎన్నికలకు కేవలం 45 రోజులు మాత్రమే మిగిలి ఉండడంతో అన్ని పార్టీలు రాజకీయాస్ర్తాలను, అభ్యర్థులను సిద్ధం చేసుకునే పనిలో పడ్డాయి.
మహారాష్ర్టలో ఉన్న ఏడు పార్టీలకు ఈ ఎన్నికలు ప్రతిష్ఠాత్మకంగా మారనున్నాయి. 288 స్థానాలున్న మహా అసెంబ్లీలో 2019 ఎన్నికలలో బీజేపీకి 105 – 22.75 శాతం, శివసేన 56 – 16. 41, కాంగ్రెస్ 44–15.87 శాతం, ఎన్సీపీ 54–16.71 శాతం, స్వతంత్రులు 13–9.93, ఇతరులు 16 – 18.33 శాతం ఓట్లను సాధించారు. మహారాష్ర్టను కైవసం చేసుకోవాలంటే 145 స్థానాల్లో గెలుపొందాల్సిన అవసరం ఉంది. 2019లో ఎన్డీయే కూటమి పక్షాలు 161 స్థానాలను సాధించాయి.
2022లో ఏక్ నాథ్ షిండే (శివసేన)లు, అజిత్ (ఎన్సీపీ) వర్గంలో చీలికలు ఏర్పడి ఎన్డీయేలో కలిశారు. దీంతో బీజేపీ బలం మరింత పెరిగింది.
ఎన్డీయే..
ఎన్డీయే 2022 తరువాత బీజేపీ 106, శివసేన (ఏక్ నాథ్ షిండే) 40, ఎన్సీపీ (అజిత్) 12, ఇతరులు 9 స్థానాలతో 167స్థానాలు దక్కాయి. అనంతర పరిణామాలలో బీజేపీ 102, శివసేన 38, ఎన్సీఈ 40, ఇతరులు22 స్థానాలతో ఎన్డీయే బలం 202కు పెరిగింది.
మహావికాస్ అఘాడీ..
కాంగ్రెస్ 44, శివసేన (యూబిటీ ఉద్దవ్ ఠాక్రే) 16, ఎన్సీపీ (శరద్ పవార్ )53, ఇతరులు 3 స్థానాలతో 116 స్థానాలు దక్కాయి. అనంతర పరిణామాలతో కాంగ్రెస్ 37, శివసేన (యూబీటీ) 16, ఎన్సీపీ (12), ఇతరులు 1 స్థానంతో మహావికాస్ అఘాడీ 66 స్థానాలున్నాయి.
మహారాష్ర్టలో పోటీ చేస్తున్న స్థానాలలో ఎంఐఎం–2, ఎస్పీ–2, సీపీఐ (ఎం)–1 స్థానాలలో విజయం సాధించాయి.
2024లో కూడా ఇదే పొత్తును కొనసాగిస్తున్నట్లు ఎన్డీయే, మహావికాస్ అఘాడీలు ప్రకటించాయి. ఈ నేపథ్యంలో తక్కువ సమయం ఉండడంతో పొత్తుల్లో సీట్లు, గెలుపు అభ్యర్థుల ఎంపిక, నామినేషన్లు, ఓటర్లను ప్రసన్నం చేసుకోవడం అన్ని పార్టీలకు కత్తిమీద సాములా మారింది.
