వక్ఫ్​ బిల్లు జేపీసీ సమావేశం రసాభాస

చైర్మన్​ పై బాటిల్​ విసిరేందుకు టీఎంసీ ఎంపీ ప్రయత్నం కళ్యాణ్​ బెనర్జీ చేతికి గాయం

Oct 22, 2024 - 15:50
Oct 22, 2024 - 15:55
 0
వక్ఫ్​ బిల్లు జేపీసీ సమావేశం రసాభాస

నా తెలంగాణ, న్యూ ఢిల్లీ: వక్ఫ్ బిల్లుపై జేపీసీ సమావేశంలో తీవ్ర ఉద్రిక్తత నెలకొంది. మంగళవారం న్యూ ఢిల్లీలో పార్లమెంట్​ అనెక్స్​ లో జేపీసీ సమావేశమైంది. కొద్దిసేపు బీజేపీ, టీఎంసీ సభ్యుల మధ్య తీవ్ర వివాదం చెలరేగింది. దీంతో రెచ్చిపోయిన టీఎంసీ ఎంపీ కళ్యాణ్​ బెనర్జీ టేబుల్​ పై ఉన్న గ్లాస్​ వాటర్​ బాటిల్​ ను ఆగ్రహంతో గట్టిగా కొట్టాడు. దీంతో అతని చేతికి గాయమైంది. అనంతరం ఇదే బాటిల్​ ను చైర్మన్ జగదాంబిక పాల్​  వైపు విసిరేందుకు ప్రయత్నించాడు.దీంతో మరింత వాగ్వాదం చోటు చేసుకుంది. బీజేపీ ఎంపీ అభిజిత్​ గంగోపాధ్యాయ, కళ్యాణ్​ బెనర్జీ మధ్య వాగ్వాదంతో కళ్యాణ్​ బెనర్జీకి కోపమొచ్చింది. సమావేశం నుంచి కళ్యాణ్​ బెనర్జీని తొలగించాలని బీజేపీ ఎంపీలు డిమాండ్​ చేశారు. కాగా  గాయం పెద్దది కావడంతో ఎంపీ కళ్యాణ్​ బెనర్జీ వేలికి నాలుగు కుట్లు వేశారు.