నవనీత్​ రాణాకు గ్యాంగ్​ రేప్​ బెదిరింపు లేఖ!

ముంబాయి: మాజీ ఎంపీ, బీజేపీ మహిళా నేత నవనీత్​ రాణాకు గ్యాంగ్​ రేప్​ బెదిరింపు లేఖ వచ్చింది. బెదిరింపు లేఖపై నవనీత్​ రాణా సహాయకుడు వినోద్​ ఉగహే రాజాపేట పోలీసులకు ఫిర్యాదు చేశాడు. లేఖ పంపిన వ్యక్తి తనను తాను అమీర్​ గా పేర్కొంటూ.. తన ఫోన్​ నెంబర్​ ను కూడా లేఖపై రాశాడు. అంతేగాకుండా రూ. 10 కోట్లు డిమాండ్​ కూడా చేశాడు. ఇంటిముందు ఆవును వధిస్తానని చెప్పాడు. పాక్​ జిందాబాద్​ అని రాశాడు. లేఖలో ఎంపీ, ఆమె భర్త పట్ల పలు అభ్యంతరకర వ్యాఖ్యలను రాశాడు. లేఖపై పోలీసులు కేసు నమోదు చేసి దర్యాప్తు ప్రారంభించారు. 2024 అమరావతి నుంచి పోటీచేసిన నవనీత్​ రాణా ఓటమి పాలయ్యారు. పలుమార్లు పాక్​, ఎంపీ అసద్​, అక్బర్​ వ్యాఖ్యలపై కూడా ఆగ్రహం వ్యక్తం చేశారు. ఈ నేపథ్యంలో ఏమైనా బెదిరింపులు వచ్చాయా? అనే కోణంలో కూడా పోలీసులు విచారణ చేపట్టారు.