అద్వానీ సేవలను కొనియాడిన కేంద్రమంత్రి కిషన్​ రెడ్డి 

నా తెలంగాణ, న్యూ ఢిల్లీ: బీజేపీ సీనియర్​ నాయకుడు, భారతరత్న అందుకున్న ఎల్​ కే అద్వానీని కేంద్రమంత్రి జి.కిషన్​ రెడ్డి మర్యాదపూర్వకంగా కలిశారు.  ఎన్నికల్లో సికింద్రాబాద్​ ఎంపీగా ఘన విజయం సాధించి కేంద్రమంత్రి వర్గంలో బొగ్గు గనుల శాఖ మంత్రిగా స్థానం సంపాదించుకున్న విషయం తెలిసిందే. ఈ నేపథ్యంలో మంగళవారం అద్వానీని కలిసి శాలువా కప్పి సన్మానించారు. పుష్పగుచ్చం అందజేసి ఆయన ఆశీర్వచనాలు తీసుకున్నారు. అద్వానీ స్ఫూర్తిదాయకమైన ప్రయాణాన్ని కేంద్రమంత్రి కిషన్​ రెడ్డి గుర్తు చేసుకున్నారు. అద్వానీ ప్రజాసేవలో పయనించిన తీరు భవిష్యత్​ తరాలకు, ప్రయత్నాలకు వెలుగురేఖలనిస్తుందని మంత్రి కిషన్​ రెడ్డి ఆకాంక్షించారు.