సీఎం హౌస్​ కు అంబులెన్సుతో బీజేపీ నేత

నా తెలంగాణ, న్యూ ఢిల్లీ: సీఎం కేజ్రీవాల్​ ఆసుపత్రిలో రెండు గంటల్లోనే అన్ని పరీక్షలు చేయిస్తానని బీజేపీ నాయకుడు విజయ్​ గోయల్​ అన్నారు. సీఎం హౌస్​ కు శనివారం అంబులెన్స్​ ను పంపారు. ఆయనకూడా అంబులెన్స్​ వెంట వచ్చారు. కాగా పోలీసులు గోయల్​ చర్యను అడ్డుకున్నారు. ఈ సందర్భంగా గోయల్​ మాట్లాడుతూ.. అనారోగ్య కారణాలు చెప్పి, చెకప్​ ల పేరుతో జైలుకు వెళ్లేందుకు కోర్టుకు సాకులు చెబుతున్నారన్నారు. ఎలాంటి పరీక్షలైనా తానే స్వయంగా చేయిస్తానని అన్నారు. ఒకవేళ నిజంగానే సీఎం అనారోగ్య కారణాలతో బాధపడుతుంటే నాటకాలను ఆపి తనవెంట వచ్చేందుకు ఎందుకు వెనుకాడుతున్నారని పేర్కొన్నారు. ప్రజల సానుభూతి పొందేందుకు కేజ్రీవాల్​ డ్రామాలు ఆడుతున్నారని గోయల్​ మండిపడ్డారు. శనివారంతో సీఎం కేజ్రీవాల్​ బెయిల్​ గడువు పూర్తి కానుంది. జూన్​ 2 న పోలీసుల సమక్షంలో లొంగిపోవాల్సి ఉంది. కాగా ఇటీవలే తన అనారోగ్య కారణాలను సాకుగా చూపుతూ సీఎం కేజ్రీవాల్​ మరో ఏడురోజులపాటు బెయిల్​ ను పొడిగించాలని కోర్టులో పిటిషన్​ దాఖలు చేసిన విషయం తెలిసిందే.