వృక్షరోపన్ లో మొక్కలు నాటిన కేంద్రమంత్రి కిషన్ రెడ్డి
Union Minister Kishan Reddy planted saplings in the plantation
రాంచీ: పర్యావరణాన్ని కాపాడుకోవాలంటే ప్రతీ ఒక్కరూ మొక్కలు నాటాలని తెలంగాణ రాష్ర్ట బీజేపీ అధ్యక్షుడు, కేంద్ర బొగ్గు గనుల శాఖ మంత్రి జి.కిషన్ రెడ్డి అన్నారు. గురువారం ఝార్ఖండ్ లోని ధన్ బాద్ లో ‘వృక్షరోపన్ అభియాన్ 2024’లో బొగ్గు గనుల శాఖల తరఫున పాల్గొని మొక్కలు నాటారు. 2020లో కేంద్ర ప్రభుత్వం ఈ కార్యక్రమాన్ని ప్రారంభించింది. ఈ కార్యక్రమం కింద 35 జిల్లాల్లో 2024లో 35 కోట్ల మొక్కలను నాటాలని లక్ష్యంగా పెట్టుకున్నారు.
కేంద్రమంత్రి జి.కిషన్ రెడ్డికి రాంచీ విమానాశ్రయంలో ఘన స్వాగతం లభించింది. గార్డ్ ఆఫ్ హానర్ తో ఆ రాష్ర్ట ప్రభుత్వం స్వాగతం పలికింది. అనంతరం కోల్ నగర్ లోని షాహిద్ చౌకన్ ను సందర్శించిన ఆయన అమరవీరులకు నివాళులర్పించారు. అనంతరం పంచవటి పార్కులో ఏర్పాటు చేసిన వృక్షరోపన్ లో మొక్కలు నాటారు. రాష్ర్టంలోని బొగ్గు గనులపై అధికారులతో సమీక్షించారు. బొగ్గు, గనుల శాఖ కేంద్రమంత్రిగా నియమితులయ్యాక జి.కిషన్ రెడ్డి అధికారికంగా ఝార్ఖండ్ పర్యటన ఇదే తొలిసారి.
