24 చోట్ల ఉల్ఫా బాంబు హెచ్చరికలు

డిస్ఫూర్​: అసోంలోని 24 చోట్ల బాంబులు పెట్టామని ఉల్ఫా తీవ్రవాద సంస్థ (యునైటెడ్ లిబరేషన్ ఫ్రంట్ ఆఫ్ అసోం)మెయిల్​ ద్వారా హెచ్చరికలు జారీ చేసింది. ఈ బాంబులు పెట్టిన హెచ్చరికలను మీడియా సంస్థలకు కూడా మెయిల్​ ద్వారా సమాచారం అందించింది. దీంతో రాష్ర్టవ్యాప్తంగా పోలీసులు హై అలర్ట్​ ప్రకటించారు. ఇన్నిచోట్ల బాంబులు వెతకాలంటే సాధ్యపడదని ప్రజలు పోలీసులకు సహకరించి సమాచారం అందజేయాలని కోరారు. ఉల్ఫా ప్రకటించిన 24 చోట్లలో 8 ప్రాంతాలు కేవలం గౌహాతిలోనే ఉన్నాయి. 

పెద్ద ఎత్తున పోలీసులు, బాంబు నిర్వీర్య దళాలు రంగంలోకి దిగాయి. మెటల్​ డిటెక్టర్లు, డాగ్​ స్క్వాడ్​ లు బాంబులు వెతికే పనిలో పడ్డాయి. కాగా నాగావ్​, లఖింపూర్​, శివసాగర్​ లలో బాంబుల్లో ఉపయోగించే సామాగ్రిని స్వాధీనం చేసుకున్నట్లు పోలీసులు ప్రకటించారు. 

గౌహతిలోని నరేంగిలోని ఆర్మీ కంటోన్మెంట్ వైపు సత్గావ్ రోడ్డు, ఆశ్రమ్ రోడ్, పాన్బజార్, జోరాబత్, భేతాపారా, మాలిగావ్, రాజ్​ ఘడ్​ లలో బాంబులు పెట్టినట్లు ఉల్ఫా తీవ్రవాద సంస్థ హెచ్చరించింది. 19 చోట్ల బాంబులు ఎక్కడ పెట్టామో తెలిపిన ఉగ్ర సంస్థ, 5 చోట్లను మాత్రం తెలియజేయలేదు.

2004లో స్వాతంత్ర్య దినోత్సవం రోజున అసోంలోని ధేమాజీలో బాంబు పేలుడులో 10 మంది చిన్నారులు సహా 13 మంది ప్రాణాలు కోల్పోగా, 20మందికి తీవ్ర గాయాలయ్యాయి.