ఫ్లై ఓవర్​ పై నుంచి పడి  ఇద్దరు యువకుల దుర్మరణం

నా తెలంగాణ, హైదరాబాద్​: గచ్చిబౌలిలోని కొత్తగూడ ఫ్లైఓవర్​ నుంచి బైక్​ పై అతి వేగంగా వెళుతూ అదుపు తప్పి కిందపడి ఇద్దరు యువకులు మృతి చెందారు. పోలీసులు తెలిపిన వివరాల ప్రకారం ఆదివారం మియాపూర్​ లో నివాసం ఉంటున్న గుంటూరుకు చెందిన రోహిత్​, బాలప్రసన్నలు ఉద్యోగ వేటలో ఉన్నారు. వీరిద్దరు ద్విచక్ర వాహనంపై హఫీజ్​ పేట్​ కు వెళుతూ కొత్త గూడ ఫ్లై ఓవర్​ పై అతి వేగం వల్ల అదుపు తప్పారు. దీంతో వంతెనను ఢీ కొని కిందపడ్డారు. ఇద్దరినీ ప్రైవేటు ఆసుపత్రికి తరలించగా చికిత్స పొందుతూ మృతిచెందారు. గచ్చిబౌలి పోలీసులు కేసు నమోదు చేసుకొని దర్యాప్తు చేపట్టారు.