సమర్థ్ తో ఆరు లక్షల మంది మహిళలకు శిక్షణ
Training six lakh women with Samarth
కేంద్ర జౌళి శాఖ సహాయ మంత్రి పబిత్రా మార్గెరిటా
నా తెలంగాణ, న్యూ ఢిల్లీ: కేంద్ర ప్రభుత్వం అత్యంత ప్రతిష్ఠాత్మకంగా చేపట్టిన సమర్థ్ పథకం కింద ఆరు లక్షల మంది మహిళా లబ్ధిదారులు శిక్షణ పొందారని కేంద్ర జౌళి శాఖ సహాయ మంత్రి పబిత్రా మార్గెరిటా అన్నారు. శుక్రవారం న్యూ ఢిల్లీలో టెక్స్ టైల్స్ పరిశ్రమ కార్యక్రమంలో పాల్గొని ప్రసంగించారు. టెక్స్ టైల్స్ పరిశ్రమలో మహిళల భాగస్వామ్యం గణనీయంగా వృద్ధి చెందడం హర్షణీయమన్నారు. మరింత వృద్ధి చోటు చేసుకోవాలన్నదే తమ లక్ష్యమన్నారు. ఈ పథకం కింద ఇప్పటివరకూ శిక్షణ పొందిన వారిలో అత్యధికంగా 88 శాతం మంది మహిళలే ఉన్నారన్నారు. సమాజంలో అన్ని వర్గాలను అభివృద్ధిలో భాగం చేయాలనేదే తమ ఉద్దేశ్యమన్నారు. మహిళా సాధికారత కల్పించేందుకు కేంద్ర ప్రభుత్వం అన్ని చర్యలు తీసుకుంటుందన్నారు.
