భారత ఆర్థిక వ్యవస్థకు  పర్యాటక రంగం కీలకం

పాట్నా: భారత ఆర్థిక వ్యవస్థకు పర్యాటక రంగం కీలకం కానుందని కేంద్రమంత్రి గజేంద్ర సింగ్​ షెకావత్​ అన్నారు. పాట్నాలో  రెండు రోజుల ట్రావెల్ అండ్ టూరిజం ఫెయిర్ --– 2024ను మంగళవారం మంత్రి షెకావత్​ ప్రారంభించారు. అనంతరం ప్రసంగించారు. 2029 నాటికి వ్యవస్థీకృత పర్యాటక రంగం ప్రస్తుతం ఉన్న 250 బిలియన్ డాలర్ల నుంచి 500 యూఎస్​ బిలియన్ డాలర్లకు పెరుగుతుందని అన్నారు. ఈ రంగంలో అపారమైన అవకాశాల సృష్టి సాధ్యపడుతుందన్నారు. ఒకవిధంగా చెప్పాలంటే భారత ఆర్థిక వ్యవస్థకు పర్యాటక రంగం ఇంజన్​ గా మారనుందని తెలిపారు. కేంద్ర బడ్జెట్‌లో దీర్ఘకాలిక మౌలిక సదుపాయాల పెట్టుబడి నిధిలో పర్యాటక రంగాన్ని చేర్చినందుకు ప్రధాని నరేంద్ర మోదీకి షెకావత్ కృతజ్ఞతలు తెలిపారు.