తిరంగా బైక్​ ర్యాలీని ప్రారంభించిన ఉపరాష్ట్రపతి

నా తెలంగాణ, న్యూ ఢిల్లీ: ఆజాదీకా అమృత్​ మహోత్సవంలో భాగంగా ప్రధాని ‘హర్​ ఘర్​ తిరంగా’ పిలుపులో ప్రతీ ఒక్కరూ భాగస్వాములు కావాలని ఉపరాష్ర్టపతి జగదీప్​ ధంకర్​ అన్నారు. మంగళవారం భారత మండపం నుంచి హర్​ ఘర్​ తిరంగా బైక్​ ర్యాలీని ఉపరాష్ర్టపతి జెండా ఊపీ ప్రారంభించారు. ఈ సందర్భంగా ఉపరాష్​ర్టపతి మాట్లాడుతూ.. ప్రజలంతా దేశ ఐక్యతను చాటుకోవాలన్న ఉద్దేశ్యంతోనే ఈ యాత్ర చేపట్టామన్నారు. యాత్రకు విశేష స్పందన లభించడం సంతోషకరమన్నారు. ఈ ఉత్సవంలో ఇప్పటివరకు 23 కోట్ల ఇళ్లపై జాతీయ జెండాను ఎగురవేయగా, 6 కోట్ల మంది ప్రజలు తమ సెల్ఫీలను ‘హర్​ ఘర్​ తిరంగా.కామ్​’లో అప్​ లోడ్​ చేయడం అభినందనీయమన్నారు.

 ఈ ర్యాలీ మేజర్​ ధ్యాన్​ చంద్​ నేషనల్​ స్టేడియంలో ముగిసింది. ఈ కార్యక్రమంలో కేంద్రమంత్రులు గజేంద్ర సింగ్​ షేకావత్​, కిరణ్​ రిజిజు తదితరులు పాల్గొన్నారు. హర్​ ఘర్​ తిరంగా కార్యక్రమం ఆగస్టు 15న ముగియనుంది.