ఒలింపిక్స్ లో భారత్ కు మూడో పతకం
రైఫిల్ లో స్వప్నిల్ కు కాంస్యం అభినందించిన కేంద్రమంత్రి జి.కిషన్ రెడ్డి
పారిస్: పారిస్ ఒలింపిక్స్ లో భారత్ కు మూడో కాంస్య పతకం లభించింది. పురుషుల 50 మీటర్ల రైఫిల్ త్రీ పొజిషన్ గురువారం జరిగిన పోటీలో షూటర్ స్వప్నిల్ కుసాలే 451.4 పాయింట్లో సాధించి కాంస్యాన్ని అందించాడు.
దీంతో ఒలింపిక్స్ లో భారత్ సాధించిన పథకాల సంఖ్య మూడుకు చేరింది.
గతంలో కువైట్ లో జరిగిన ఆసియా షూటింగ్ లో స్వప్నిల్ బంగారు పతకం సాధించాడు. గగన్ నారంగ్, చెన్ సింగ్ ల వంటి పెద్ద షూటర్ లను కూడా ఓడించాడు.
స్వప్నిల్ మహారాష్ట్రలోని పూణేలో జన్మించాడు. 28 ఏళ్ల స్వప్నిల్ 2012 నుంచి అంతర్జాతీయ షూటింగ్ ఈవెంట్లలో పాల్గొంటున్నాడు. 2024లో ఒలింపిక్ లో అరంగేట్రం చేసిన స్వప్నిల్ కాంస్య పతకాన్ని తన ఖాతాలో వేసుకున్నాడు.
కేంద్రమంత్రి జి.కిషన్ రెడ్డి అభినందనలు..
పారిస్ ఒలింపిక్స్ లో కాంస్య పతకం సాధించిన షూటర్ స్వప్నిల్ కుసాలేకు తెలంగాణ రాష్ర్ట బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్ రెడ్డి హృదయపూర్వక అభినందనలు తెలిపారు. భారత్ కు మూడో పతకం సాధించి పెట్టిన స్వప్నిల్, భారత క్రీడాకారులు పోటీల్లో రాణించాలని కిషన్ రెడ్డి ఆకాంక్షించారు.
