రిజర్వేషన్ల నిబంధన నవంబర్​ 1 నుంచే అమలు

120 రోజుల నుంచి 60 రోజులకు తగ్గిన పరిధి
విదేశీ పర్యాటకుల రిజర్వేషన్లలో మార్పుల్లేవ్​

నా తెలంగాణ, న్యూ ఢిల్లీ: రైల్వే టికెట్​ బుకింగ్​ రిజర్వేషన్ల నిబంధనలు నవంబర్​ 1 శుక్రవారం నుంచి అమల్లోకి వచ్చాయి. నిబంధనల ప్రకారం ఇక నుంచి 120 రోజుల ముందు చేసే రిజర్వేషన్ల పరిధిని 60 రోజులకు తగ్గించారు. కాగా ఈ యేడాది అక్టోబర్​ 31 వరకు చేసిన అన్ని బుకింగ్​ లకు పాత పద్ధతులే వర్తించనున్నాయి. 61 రోజుల నుంచి 120 రోజుల మధ్య చేసే రిజర్వేషన్లు రద్దు చేస్తామని రైల్వే మంత్రిత్వ శాఖ స్పష్టం చేసింది. ఈ నిర్ణయంతో విండో టికెట్​ హోర్డింగ్​ తగ్గనుంది. కొన్ని మధ్యాహ్నం నడిచే రైళ్లలో మాత్రం 120 రోజుల రిజర్వేషన్ల నిబంధనే వర్తించనుంది. అదే సమయంలో విదేశీ పర్యాటకుల కోసం 365 రోజుల అడ్వాన్స్​ రిజర్వేషన్​ బుకింగ్​ యథాతథంగా ఉంటుందని రైల్వే శాఖ నిర్ణయం తీసుకుంది.