ఆరు డిమాండ్లపై చర్చకు విపక్షాల పట్టు

నా తెలంగాణ, న్యూ ఢిల్లీ: పార్లమెంట్​ ప్రారంభమైన తొలిరోజు కాంగ్రెస్​ మిత్రపక్షాలు పలు అంశాలపై చర్చ జరగాలని తీర్మానించాయి. ఉభయ సభల్లో చర్చ జరగాలని ప్రతిపక్షాలు డిమాండ్​ చేశాయి. దీంతో పార్లమెంట్​, రాజ్యసభ సమావేశాలు ఒక గంటపాటు వాయిదా పడ్డాయి. తిరిగి 12 గంటలకు సమావేశాలు ప్రారంభమైనా అవే అంశాలపై ముందుగా చర్చ జరగాలని కాంగ్రెస్​, మిత్రపక్షాలు పట్టుబట్టాయి. నిరసనలు చేపట్టడంతో పార్లమెంట్​ ఉభయ సభలు బుధవారానికి వాయిదా పడ్డాయి.

ప్రతిపక్షాలు అదానీ లంచం ఆరోపణలపై చర్చ జరగాలని డిమాండ్​ చేశాయి. సంభాల్ మసీదు వివాదంలో హింసపై కూడా చర్చ జరగాలని పట్టుబట్టాయి. మనిపూర్​ హింస, ఢిల్లీ కాలుష్యం, రైలు ప్రమాదాలు, వక్ఫ్​ బిల్లు, వన్​ నేషన్​ వన్​ఎలక్షన్​ లపై చర్చ జరగాలని నిరసన చేపట్టాయి. కాంగ్రెస్​ మిత్రపక్షాల తీర్మానాలను స్పీకర్​ జగదీప్​ ధన్కర్​ తిరస్కరించారు. చర్చ అభ్యర్థనను తోసిపుచ్చారు.