నిర్ణయం బాధాకరం దేశమంతా మీ వెంటే

నా తెలంగాణ, న్యూ ఢిల్లీ: వినేష్​ ఫోగట్​ చాంపియన్​ లకే చాంపియన్​ అని విశ్వసిస్తున్నామని ఒలింపిక్​ నిర్ణయం చాలా బాధకరమైందని ప్రధానమంత్రి నరేంద్ర మోదీ అన్నారు. ప్రతీ భారతీయుడికి ఫోగట్​ స్ఫూర్తిగా నిలుస్తారని ఆమె దేశానికి గర్వకారణమని ప్రధాని తెలిపారు. సవాళ్లను ధైర్యంగా ఎదుర్కొందామన్నారు. ఎలాంటి నిరాశకు లోను కావద్దని ప్రధాని పేర్కొన్నారు. దేశమంతా వినేష్​ ఫోగట్​ వెంట ఉంటుందని ప్రధాని సామాజిక మాధ్యమంలో ట్వీట్​ చేశారు.

మరోవైపు భారత ఒలింపిక్​ సంఘం అధ్యక్షురాలు పీటీ ఉషతో కూడా ఈ విషయంపై ప్రధానమంత్రి నరేంద్ర మోదీ మాట్లాడారు. పూర్తి సమాచారం తీసుకున్నారు. వినేష్​ విషయంలో ప్రత్యామ్నాయమార్గాలపై అన్వేషించాలన్నారు. అనర్హత వేటు వేయడంపై భారత్​ నిరసనను వ్యక్తం చేయాలని పీటీ ఉషకు ప్రధాని మోదీ సూచించారు.