ఇస్రోకు ఐఎఎఫ్​–2024 అవార్డు

మిలాన్​: చంద్రయాన్​–3 కి గాను భారత్​ (ఇస్రో చీఫ్​ సోమనాథ్​)వరల్డ్​ స్పేస్​ అవార్డు–2024ను గెలుచుకున్నారు. అంతర్జాతీయ అంతరిక్ష రంగంలో భారత చేసిన కృషికి గాను ఇటాలియన్​ స్పే ఏజెన్సీ ఏరోనాటిక్స్​ ఆస్ర్టోనాయికస్​ అసోసియేషన్​ ఆధ్వర్యంలో ఇంటర్నేషనల్​ ఎయిరోస్పేస్​ ఎరోనాటికల్​ కాంగ్రెస్​ –75 సదస్సులో ఈ వార్డును అందుకున్నారు. ఈ సందర్భంగా డా. సోమనాథ్​ మాట్లాడుతూ.. చంద్రయాన్​ 1, 2 ద్వారా చేసిన ప్రయత్నాలతోనే చంద్రయాన్​ –3ని సక్సెస్​ చేయగలిగామన్నారు. ఇదే స్ఫూర్తిని కొనసాగిస్తూ రానున్న సమయంలో చంద్రయాన్​–4కు సిద్ధమవుతున్నట్లు తెలిపారు. అంతర్జాతీయ అంతరిక్ష రంగం సహకారంతో భారత్​ అనుకున్న లక్ష్యాలను సాధిస్తుందన్న నమ్మకాన్ని, విశ్వాసాన్ని ఆయన వ్యక్తం చేశారు. చంద్రునిలో మానవ మనుగడ కోసం నీటి జాడలు వెతికేందుకు చంద్రయాన్​–4 మిషన్​ కీలకం కానుందని తెలిపారు. ఇందుకు సంబంధించిన పరిశోధనలు వేగంగా కొనసాగుతున్నాయని తెలిపారు. ఈ అవార్డును అందుకోవడం ఎంతో సంతోషకరమని ఐఎఎఫ్​ కు కృతజ్ఞతలు తెలిపారు. 

ఈ సమవేశంలో దేశ విదేశాల నుంచి వ్యోమగాములు, శాస్ర్తవేత్తలు, అంతరిక్ష రంగ నిపుణులు 8వేల మంది పాల్గొన్నారు. భారత్​ కు అవార్డు దక్కడం పట్ల వారంతా హర్షం వ్యక్తం చేశారు.