అజ్మీర్​ దర్గాపై పిటిషన్​  విచారణకు స్వీకరించిన కోర్టు

ఇరుపక్షాలకు నోటీసులు
డిసెంబర్​ 5న విచారణ

జైపూర్​: అజ్మీర్​ దర్గా శివాలయమే అన్న పిటిషన్​ ను స్థానిక కోర్టు విచారణకు స్వీకరించింది. బుధవారం ఇరుపక్షాలకు నోటీసులు జారీ చేసింది. అజ్మీర్​ లోని ఖ్వాజా మొయినుద్దీన్​ చిస్తీ దర్గా దేవాలయంగా ప్రకటించాలని హిందూసేన కోర్టులో పిటిషన్​ దాఖలు చేసింది. ఈ పిటిషన్​ ను అజ్మర్​ వెస్ట్​ సివిల్​ జడ్జి సీనియర్​ డివిజన్​ మన్మోహన్​ చందేల్​ కోర్టు విచారణకు స్వీకరించింది. ఈ అంశంపై చందేల్​ దర్గా కమిటీ, మైనార్టీ వ్యవహారాలు, ఎఎస్​ ఐలకు నోటీసులు జారీ చేసింది. తదుపరి విచారణను డిసెంబర్​ 5న చేపట్టనుంది. 

హిందూ సంస్థలు చాలా కాలంగా అజ్మీర్ దర్గాను దేవాలయంగా ప్రకటించాలని డిమాండ్​ చేస్తున్నాయి. 2022లో, హిందూ సంస్థ మహారాణా ప్రతాప్ సేన, ఇది ఆలయమని పేర్కొంటూ, అప్పటి రాజస్థాన్ ముఖ్యమంత్రి అశోక్ గెహ్లాట్, కేంద్ర ప్రభుత్వానికి ఒక లేఖ రాసి, దానిపై దర్యాప్తు చేయమని కోరింది. మహారాణా ప్రతాప్ సేన అధికారులు ఒక ఫోటోను కూడా పంపారు. ఆ ఫోటోలో దర్గా కిటికీలపై స్వస్తిక్ గుర్తులు ఉన్నట్లు స్పష్టమవుతుంది. ఈ దర్గా శివాలయమని దీన్ని దర్గాగా మార్చారని సంస్థ వ్యవస్థాపకుడు రాజవర్ధన్​ సింగ్​ పర్మార్​ చెప్పారు.