పడవ మునకపై ప్రధాని విచారం

నా తెలంగాణ, న్యూ ఢిల్లీ: ముంబాయి పడవ ప్రమాదంపై ప్రధాని తీవ్ర విచారం వ్యక్తం చేశారు. మృతుల కుటుంబాలకు సంతాపం వ్యక్తం చేశారు. క్షతగాత్రులు త్వరగా కోలుకోవాలని ఆకాంక్షించారు. బాధితులకు కేంద్ర ప్రభుత్వం తరఫున రూ. 2 లక్షల ఎక్స్​ గ్రేషియాను ప్రకటించారు. గురువారం ప్రధానమంత్రి ఈ ప్రమాదంపై మీడియా మాధ్యమంగా ఆందోళన వ్యక్తం చేశారు.

ముంబాయి సమీపంలో నీల్‌కమల్‌ అనే ప్రయాణీకుల ఫెర్రీని ఇండియన్ నేవీ బోటు ఢీకొనడంతో ఈ ప్రమాదం చోటు చేసుకుంది. ఫెర్రీ గేట్‌వే ఆఫ్ ఇండియా నుంచి ఎలిఫెంటా గుహలకు వెళుతోంది. సముద్ర ప్రమాదంలో 10 మంది పౌరులు, ముగ్గురు నేవీ సిబ్బందితో సహా 13 మంది ప్రాణాలు కోల్పోయారు. మహారాష్ర్ట ముఖ్యమంత్రి దేవేంద్ర ఫడ్నవీస్​ సీఎం సహాయనిధి కింద రూ. 5 లక్షల చొప్పున ఎక్స్​ గ్రేషియా ప్రకటించారు. సహాయక చర్యల్లో ఇండియన్​ నేవీ, కోస్ట్​ గార్డ్​, పోలీసులు రాత్రంతా పాల్గొన్నారని తెలిపారు. భవిష్యత్తులో ఇలాంటి ప్రమాదాలు జరగకుండా చర్యలు తీసుకుంటామన్నారు. ప్రమాదంపై ఉన్నతస్థాయి విచారణకు ఆదేశించారు.