మహాలో సీట్ల పంచాయతీ కాంగ్రెస్–కూటమి మధ్య ఉద్రిక్తతలు
Tensions between Congress-Kutham alliance in Mahalo seats
రాహుల్ గాంధీతోనే తేల్చుకుంటామంటున్న శివసేన, యూబీటీ, ఎన్సీపీ
తలొగ్గితే నష్టం తప్పదంటున్న అధ్యక్షుడు నానా పటోలే
ముంబాయి: మహారాష్ట్ర సీట్ల పంపకాలపై కాంగ్రెస్–శివసేన మధ్య ఉద్రిక్తతలు పెరుగుతున్నాయి. సీట్ల పంచాయతీ తేలకపోవడంతో మహా వికాస్ అఘాడి, యుబిటీ, శరద్ పవార్ లు రాహుల్ గాంధీకి ఫోన్లు చేసి సీట్ల పంచాయతీ తేల్చేందుకు త్వరలోనే సమావేశం కావాల్సిందిగా కోరారు. మరోవైపు మహ కాంగ్రెస్ సీట్ల విషయంలో వెనక్కు తగ్గేలా కనిపించడం లేదు. శివసేన విదర్భలో ఎక్కువసీట్లు చేస్తుంది. స్థానిక కాంగ్రెస్ పార్టీ ముఖ్యులు ఇన్ని సీట్లు ఇచ్చేందుకు అనాసక్తి చూపుతున్నారు. ముంబై, మరఠ్వాడాలో కూడా ఎక్కువ సీట్లు కావాలని యూబీటీ, ఎన్సీపీలు డిమాండ్ చేస్తుండడంతో ఉద్రిక్తతలు తలెత్తుతున్నాయి.
అదే సమయంలో లోక్ సభలో రామ్ టెక్, అమరావతి టిక్కెట్లను కేటాయించడం సహకరించడంతోనే కాంగ్రెస్ గెలిచిందని అంటున్నారు. ఇప్పుడు మాత్రం సీట్లను వదులుకునే పరిస్థితి లేదని ఆశావహులు ఎక్కువగా ఉన్నారని వారికి సీట్లు కేటాయించకుంటే నష్టం తప్పదనే వాదనను కాంగ్రెస్ రాష్ర్ట అధ్యక్షుడు నానా పటోలే అంటున్నారు. ఈ నేపథ్యంలో ఇక మహారాష్ర్ట కాంగ్రెస్ ను కాదని ఏకంగా కాంగ్రెస్ సీనియర్ నేత రాహుల్ గాంధీతోనే మాట్లాడాలని కూటమి నేతలు నిర్ణయించారు.
మరోవైపు సీట్ల పంపకాల్లో తేడాలు వస్తే మహారాష్ర్టలో కాంగ్రెస బతికే పరిస్థితిలో లేదని నానాపటోలే చెబుతున్నారు. ఇప్పటికే బీజేపీ హిందూత్వం పేరుతో ప్రచార పర్వంలో దూసుకుపోతుందని, తాము మాత్రం ప్రచారంలో వెనుకబడ్డామని ఇప్పుడు సీట్ల పంచాయతీ ఒకటి తమను ఆందోళనలోకి నెడుతోందని ఆవేదన వ్యక్తం చేస్తున్నారు. కాంగ్రెస్ కూటమి నేతలకు తలొగ్గి సీట్లను కేటాయిస్తే కాంగ్రెస్ కు నష్టం తప్పకపోవచ్చనే అభిప్రాయాన్ని నానా పటోలే వ్యక్తం చేశారు.
