పద్మారావుపై తలసాని కుట్ర!

నా తెలంగాణ, డైనమిక్​ బ్యూరో: సికింద్రాబాద్​ బీఆర్​ఎస్​ ఎమ్మెల్యే పద్మారావు గౌడ్​ పై సనత్​ నగర్​ ఎమ్మెల్యే తలసాని శ్రీనివాస్​ యాదవ్​ కుట్ర చేస్తున్నట్లు తెలుస్తున్నది. ఒకప్పుడు తన నియోజకవర్గమైన సికింద్రాబాద్​ లో పద్మారావు ప్రాధాన్యం తగ్గించి తన కుమారుడు సాయి కిరణ్ పొలిటికల్​ కెరీర్​ కు లైన్​ క్లియర్​ చేయాలని తలసాని ప్రయత్నిస్తున్నట్లు సమాచారం. అందులో భాగంగానే సికింద్రాబాద్​ లో వరుసగా మూడుసార్లు విజయం సాధించిన పద్మారావును సికింద్రాబాద్​ ఎంపీ బరిలో నిలిపి.. ఓడించడం ద్వారా ఆయన ప్రతిష్ట దెబ్బతీయాలనే అంతర్గత వ్యూహరచన చేసినట్లు సికింద్రాబాద్​ పొలిటికల్​ సర్కిల్స్​ లో చర్చ జరుగుతున్నది. తలసాని కావాలనే కేసీఆర్​ ద్వారా పద్మారావు ఖాతాలో ఘోర పరాజయాన్ని నమోదు చేయించేందుకు సిద్ధపడినట్లు తెలుస్తున్నది.

అధికారంలో ఉన్నప్పుడు పోటీ చేసి..

పద్మారావు గౌడ్​ తెలంగాణ ఉద్యమ సమయం నుంచే బీఆర్​ఎస్​ లో ప్రజానేతగా గుర్తింపు పొందారు. సికింద్రాబాద్​ ప్రజల విశ్వాసం పొందిన ఆయన 2014లో గెలుపొంది కేసీఆర్​ మంత్రి వర్గంలో చోటు సంపాదించుకున్నారు. 2018లో గెలిచి డిప్యూటీ స్పీకర్​ గా బాధ్యతలు నిర్వర్తించారు. కాగా తలసాని శ్రీనివాస్​ యాదవ్​ టీఆర్​ఎస్​ లో చేరి పద్మారావు మంత్రి పదవికి చెక్​ పెట్టినట్లు ఆరోపణలు ఉన్నాయి. బయటకు నవ్వుతూ కనిపించినా.. ఎప్పటి నుంచో పద్మారావు అంటే తలసానికి పడదు. ఎందుకంటే ​2004లో టీఆర్​ఎస్​ అభ్యర్థిగా పద్మారావు టీడీపీ నుంచి పోటీ చేసిన తలసానిని ఓడించారు. సికింద్రాబాద్‌ ఒకప్పుడు తలసాని ఏలుబడిలో ఉండేది. ఆయన 1994, 1999తోపాటు, 2008లో జరిగిన ఉప ఎన్నికలోనూ సికింద్రాబాద్​ ఎమ్మెల్యేగా గెలిచారు. 2014లో సనత్​ నగర్​ కు మారి,2014,  2018, 2023 ఎన్నికల్లో వరుసగా ఎమ్మెల్యేగా గెలిచారు. బీఆర్​ఎస్​ అధికారంలో ఉన్నప్పుడు సికింద్రాబాద్​ ఎంపీగా తన కుమారుడికి టికెట్​ ఇప్పించుకొని బరిలోకి దింపిన తలసాని, ఇప్పుడు బీఆర్​ఎస్​ అధికారంలో లేని సమయంలో.. కావాలనే ఓడిపోయే అవకాశం ఉన్న సికింద్రాబాద్​ ఎంపీ సీటును పద్మారావుకు వెళ్లేలా కేసీఆర్​ వద్ద చక్రం తిప్పినట్లు తెలుస్తున్నది. సికింద్రాబాద్​ లో బీజేపీ నుంచి మరోసారి కేంద్ర మంత్రి కిషన్​ రెడ్డి గెలిచే అవకాశం ఉన్నందున.. పద్మారావు ఓడిపోతే.. ఆయన ప్రతిష్ట దెబ్బతీసి.. నెమ్మదిగా సికింద్రాబాద్​ లో తన కుమారుడిని ఎమ్మెల్యేగా సిద్ధం చేయాలనేది తలసాని ప్లాన్​. బీఆర్​ఎస్​ గెలిచే అవకాశం ఉన్నా.. పద్మారావు అసమర్థత వల్లే ఓడిపోవాల్సి వచ్చిందని ఆయనను వ్యక్తిగతంగా బద్నాం చేసే వ్యూహరచన జరిగినట్లు గులాబీ కార్యకర్తలు చర్చించుకుంటున్నారు.

వద్దంటున్న గులాబీ కేడర్​

పద్మారావు సికింద్రాబాద్​ ఎంపీగా బరిలోకి దిగడాన్ని గులాబీ పార్టీ నాయకులు, కార్యకర్తలు వ్యతిరేకిస్తున్నారు. తమ నాయకుడు సికింద్రాబాద్​ ఎంపీగానే ఉండాలని, తమతోపాటు ఉండాలని వారు కోరుకుంటున్నారు. నిజానికి ఎంపీగా పోటీ చేయడం పద్మారావుకు కూడా ఇష్టం లేదు. కానీ కేసీఆర్​ ఒత్తిడి వల్ల ఆయన పోటీ చేసేందుకు ఒప్పుకున్నారు. మరి తలసాని వ్యూహరచనలో పద్మారావు బద్నాం అవుతారా? ప్లాన్​ రివర్స్​ అవుతుందా చూడాలి మరి