భారత్–ఇండో బంధాల బలోపేతం
75వ వార్షికోత్సవ వేడుకల్లో విదేశాంగ శాఖ సమావేశం
నా తెలంగాణ, న్యూ ఢిల్లీ: భారత్–ఇండోనేషియా మధ్య దౌత్య బంధాల బలోపేతానికి కట్టుబడి ఉన్నామని విదేశాంగ శాఖ కార్యదర్శి జైదీప్ మజుందార్ ప్రకటించారు. గురువారం మజుందార్ నేతృత్వంలో ఇరుదేశాల మధ్య 75వ వార్షికోత్సవ దౌత్య సంబంధాల వేడుకలు న్యూ ఢిల్లీలో నిర్వహించారు. ఈ వేడుకల్లో ఇరుదేశాల విదేశాంగ శాఖ ఉన్నతాధికారులు పాల్గొన్నారు.
భారత్-ఇండోనేషియా తమ దౌత్య సంబంధాల 75వ వార్షికోత్సవాన్ని జరుపుకుంటున్నాయి. ఇందులో భాగంగా రాజకీయ, రక్షణ, భద్రత, సముద్ర డొమైన్, వాణిజ్యం, పెట్టుబడులు, ఆరోగ్య సంరక్షణ, కనెక్టివిటీ సహా ద్వైపాక్షిక సంబంధాలపై ఇరుపక్షాలు సమీక్ష నిర్వహించారు. ఇరుదేశాల సంబంధాలు, పురోగతి పట్ల సంతృప్తిని వ్యక్తం చేశాయి. మరింత దౌత్య సంబంధాల బలోపేతానికి ఉన్న అవకాశాలను, మార్గాలను అన్వేషించాలని నిర్ణయించారు.
