ఆధ్యాత్మిక చింతన అవసరం

 నా తెలంగాణ, మెదక్: ప్రతి ఒక్కరూ భక్తి భావం, ఆధ్యాత్మిక చింతన కలిగి ఉండాలని మెదక్​ జిల్లా కలెక్టర్​ రాహుల్​ రాజ్​ అన్నారు. మండల పరిధిలోని ప్రసిద్ధ పుణ్యక్షేత్రమైన ఏడుపాయల వనదుర్గమ్మను కలెక్టర్ రాహుల్ రాజ్ కుటుంబ సమేతంగా దర్శించుకున్నారు. ఆలయ  సిబ్బంది, అర్చకులు కలెక్టర్​ కు పూర్ణకుంభంతో స్వాగతం పలికారు. ప్రత్యేక పూజలు నిర్వహించి తీర్థప్రసాదాలను అందజేశారు. 

ఈ సందర్భంగా కలెక్టర్ మాట్లాడుతూ జిల్లాలో ప్రజలు ఆయురారోగ్యాలతో, అష్టైశ్వర్యాలతో ఉండాలని ఏడుపాయల వనదుర్గమ్మను కోరుకున్నట్లు తెలిపారు. విజయదశమి  నవరాత్రి ఉత్సవాల్లో భాగంగా అమ్మవారిని దర్శించుకోవడం తన సౌభాగ్యంగా భావిస్తున్నట్లు తెఇపారు. ప్రజలు వనదుర్గమ్మను దర్శించుకొని పునీతులు కావాలని ఆకాంక్షించారు.