పర్యావరణ సవాళ్లకు పరిష్కారం
Solving environmental challenges
సెమీ కండక్టర్ పరిశ్రమ విస్తరణ
క్రియాత్మక ఆలోచనలతో ముందుకు
సత్తాచాటేందుకు భారత్ సిద్ధం
సెమికాన్ ఇండియా 2024లో ప్రధాని మోదీ
నా తెలంగాణ, న్యూ ఢిల్లీ: దేశంలో సెమీ కండక్టర్ పరిశ్రమ విస్తరణ ద్వారా పర్యావరణ వ్యవస్థలోని సవాళ్లకు కూడా ఒక చక్కటి పరిష్కారం లభించే దిశగా భారత్ కృషి చేస్తోందని ప్రధానమంత్రి నరేంద్ర మోదీ అన్నారు. సంక్షోభ సమయాల్లో కూడా క్రియాత్మక ఆలోచనలతో ముందుకు వెళుతూ సత్తా చాటడం భారత్ నిబద్ధతను ప్రపంచానికి చాటి చెబుతుందన్నారు.
బుధవారం ఉత్తరప్రదేశ్ లోని గ్రేటర్ నోయిడా ఇండియా ఎక్స్ పో మార్ట్ లో సెమికాన్ ఇండియా 2024ను ప్రధానమంత్రి నరేంద్ర మోదీ ప్రారంభించారు. సెప్టెంబర్ 11 నుంచి 3 వరకు జరిగే మూడు రోజుల సదస్సు జరగనుంది. సెమీ కండక్టర్ తయారీలో గ్లోబల్ హబ్ గా భారత్ నిలవాలనే లక్ష్యాన్ని ఈ సదస్సులో ప్రదర్శించనుంది.
ఈ సందర్భంగా ప్రధాని మాట్లాడుతూ.. ప్రపంచవ్యాప్తంగా సెమీకండక్టర్ సెక్టార్ లో భారత్ ఎనిమిదో అతిపెద్ద దేశంగా నిలుస్తుందన్నారు. 21వ శతాబ్ధంలో మరింత ఉత్పత్తిని సాధించేందుకు ప్రభుత్వం అన్ని సహాయ సహకారాలను అందిస్తుందన్నారు.
సెమీ కండక్టర్ రంగం ప్రత్యేక డయోడ్ లతో పనిచేస్తుందని శక్తి ద్విముఖంగా ఉంటుందన్నారు. ఈ పరిశ్రమల్లో పెట్టుబడులు స్థిరమైన విఆనం వల్ల మరింత పెరుగుతాయని తెలిపారు. మెరుగైన వ్యాపార సౌలభ్యం ఈ రంగంలో ఉందన్నారు.
ఈ రంగంలో 20 శాతం భారతీయులు శ్రామికశక్తి ఉందని తెలిపారు. 85వేలమంది సాంకేతిక నిపుణులు, ఇంజనీర్లు, ఆర్ అండ్ బీ నిపుణులు సెమీకండక్టర్ల రూపకల్పనలో ప్రతిష్ఠాత్మకంగా వ్యవహరిస్తున్నారని తెలిపారు.
ఈ పరిశ్రమ బలోపేతానికి నేషనల్ రీసెర్చ్ ఫౌండేషన్ 1 ట్రిలియన్ ప్రత్యేక నిధిని మంజూరు చేసిన విషయాన్ని ప్రధాని ఊటంకించారు. ఆవిష్కరణలు, పరిశోధనల ద్వారా ఈ రంగంలో పర్యావరణానికి హానీ కలగని సెమీకండక్టర్ల రూపకల్పనే ధ్యేయమన్నారు.
భారతీయుల ఆకాంక్షలు నెరవేరాలంటే దేశం బలమైన డిజిటల్ పబ్లిక్ ఇన్‌ఫ్రాస్ట్రక్చర్‌ను మరింత శక్తివంతంగా తీర్చిదిద్దే అవసరం ఉందన్నారు. అందుకే ప్రభుత్వం సెమీకండక్టర్ల తయారీకి ప్రాముఖ్యతనిస్తుందని మోదీ తెలిపారు.
ఈ రంగంలో సౌకర్యాల కల్పనకు 50 శాతం ఆర్థిక సహాయం అందజేస్తున్నామన్నారు. పరిశ్రమలకు అవసరమైన ఖణిజాలు, దేశీయ ఉత్పత్తి, విదేశీ సేకరణ పెంచందుకు క్రిటికల్ మినరల్ మిషన్ ను కూడా ప్రారంస్తామని మోదీ ప్రకటించారు.
ఇండో–పసిఫిక్ ఎకనామిక్ ఫ్రేమ్‌వర్క్ సప్లై చైన్ కౌన్సిల్ కు వైస్ చైర్ పర్స్ గా భారతీయుల నియామకం గర్వకారణమన్నారు. జపాన్, సింగపూర్ లాంటి దేశాలతో ఈ రంగంపై మరింత పట్టుసాధించేందుకు ప్రయత్నిస్తున్నామని తెలిపారు.
ఇప్పటికే అతిపెద్ద మొబైల్ ఎగుమతిదారుడిగా భారత్ మారేందుకు అనేక విధానాలను సరళకృతం చేస్తూ నిర్ణయించామన్నారు. దీనివల్ల 230నాటికి 500 బిలియన్లకు ఎలక్ట్రానిక్స్ రంగాన్ని విస్తరించే ప్రణాళికలున్నాయని ప్రకటించారు. దీని ద్వారా ఆరు మిలియన్ ఉద్యోగాలు సృష్టిస్తామన్నారు.
ఈ కార్యక్రమంలో యూపీ సీఎం యోగి ఆదిత్యనాథ్, కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రి అశ్విని వైష్ణవ్, గ్లోబల్ సెమీకండక్టర్ కంపెనీల వ్యవస్థాపకులు, 250 మందికి పైగా ఎగ్జిబిటర్లు తదితరులు పాల్గొన్నారు.
