త్వరలో సెమికాన్ 2.0
పర్యావరణ వ్యవస్థ సవాళ్లను అధిగమిస్తాం కేంద్రమంత్రి అశ్వినీ వైష్ణవ్
నా తెలంగాణ, న్యూ ఢిల్లీ: పర్యావరణ వ్యవస్థలోని సవాళ్లను అధిగమిస్తూనే సెమీకండక్టర్ ప్రోగ్రామ్ సెమికాన్2.0ను ప్రారంభిస్తున్నట్లు కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రి అశ్విని వైష్ణవ్ బుధవారం తెలిపారు.2.0ను త్వరలోనే భారత ప్రభుత్వం ఆవిష్కరిస్తుందన్నారు. గ్రేటర్ నోయిడాలోని ఇండియా ఎక్స్‌పో మార్ట్‌లో సెమికాన్ ఇండియా సమ్మిట్‌లో వైష్ణవ్ మాట్లాడుతూ, ‘సెమికాన్ 2.0 మూడు నాలుగు నెలల్లో ఆవిష్కరిస్తామన్నారు. రెండోదశపై దృష్టి సారించామని తెలిపారు. దేశంలో ఈ రంగాన్ని అభివృద్ధి చేసేందుకు 2021లో రూ. 76వేల కోట్లు కేటాయించామన్నారు. సెమీకండక్టర్ ఎకోసిస్టమ్ అంతర్జాతీయ గుర్తింపు పొందుతోందని మంత్రి తెలిపారు. మొహాలీలో సెమీకండక్టర్ ల్యాబ్‌ను అప్‌గ్రేడ్ చేయడానికి ప్రణాళికలు పూర్తయ్యాయన్నారు. త్వరలోనే ఆమోదం కోసం కేంద్ర మంత్రివర్గానికి అందజేస్తామని మంత్రి వెల్లడించారు.
ఇప్పటివరకూ దేశంలో ఐదు సెమీకండక్టర్ యూనిట్లు ఆమోదించామన్నారు. గుజరాత్ లో రెండు, అసోంలో ఒకటి ఆమోదించామన్నారు. 2024 చివరి నాటికి ఈ యూనిట్లు పూర్తి ఉత్పత్తిని సాధిస్తాయన్నారు. వందశాతం ఎలక్ట్రానిక్‌ తయారీ భారత్‌లోనే జరగాలన్నదే తమ అభిమతమని మంత్రి అశ్వినీ వైష్ణవ్ తెలిపారు.
