సెల్జా చేరతామంటే ఆహ్వానిస్తాం

చండీగఢ్​: కుమారి సెల్జా చేసిన తప్పేంటని ఆమె అత్యుత్తమ ప్రజాసేవకురాలుగా తాము భావిస్తున్నామని ఆమె బీజేపీలో చేరతానంటే సంతోషంగా ఆహ్వానిస్తామని హరియాణా సీఎం నాయబ్​ సింగ్​ సైనీ ఆదివారం మీడియాతో మాట్లాడుతూ అన్నారు. కాంగ్రెస్​ లో గత కొద్దికాలంగా అంతర్గత విభేదాల నేపథ్యంలో ఆ పార్టీ సీనియర్​ నాయకురాలు కుమారి సెల్జాపై సొంతనేతలే ఆరోపణలు, ప్రత్యారోపణలు చేయడం పట్ల తీవ్ర మనస్థాపంతో ఉన్నారు. ఈ నేపథ్యంలో వేరే పార్టీలో చేరే యోచనలో ఉన్నట్లు తెలుస్తోంది. మాజీ సీఎం భూపేంద్ర సింగ్​ హుడాతో సెల్జాకుమారికి విబేధాలు పొడసూపాయి. కాంగ్రెస్​ పార్టీ దళిత వ్యతిరేకి అని వారిని గౌరవించదని అన్నారు. దళిత నాయకులు మరోమారు ఆలోచించుకోవాలని మోదీ నేతృత్వంలో దళిత నాయకులకు అత్యున్నత గౌరవం, మర్యాదలు బీజేపీలో లభిస్తాయని తెలిపారు. కాంగ్రెస్​ ను నమ్ముకుంటే కుటుంబపార్టీ, బంధుప్రీతి పార్టీలో ఇరుక్కున్నట్లేనని సైనీ స్పష్టం చేశారు.