యూపీ జెవార్​ లో విమానం సేఫ్​ ల్యాండింగ్​

ట్రయల్​ రన్​ సక్సెస్​.. త్వరలోనే ప్రారంభంపై నిర్ణయం
హర్షం వ్యక్తం చేసిన కేంద్రమంత్రి రామ్మోహన్​ నాయుడు

లక్నో: యూపీలోని జెవార్​ అంతర్జాతీయ విమానాశ్రయంలో సోమవారం ఇండిగో విమానం ట్రయల్​ రన్​ సక్సెస్​ అయ్యింది. దీంతో ఇక అన్ని విమానాలను ఈ ఎయిర్​ పోర్ట్​ ద్వారా నడవాలన్న నిర్ణయంపై కేంద్ర ప్రభుత్వం నిర్ణయం తీసుకోనుంది. విమానం ట్రయల్​ రన్​ సందర్భంగా ఇండిగో విమానం ల్యాండింగ్​ కు ఏవియేషన్​ ఆఫ్​ సివిల్​ డైరెక్టరేట్​ అనుమతించింది. డీజీసీఎ కూడా గ్రీన్​ సిగ్నల్​ ఇచ్చింది. ఢిల్లీలోని ఇందిరాగాంధీ అంతర్జాతీయ విమానాశ్రయం నుంచి బయలుదేరిన విమానం జేవార్​ విమానాశ్రయానికి చేరుకుంది. విమానం సురక్షితంగా ల్యాండ్​ కావడం పట్ల కేంద్ర పౌర విమానయాన శాఖ మంత్రి రామ్మోహన్​ నాయుడు సంతోషం వ్యక్తం చేశారు. అత్యంత ప్రతిష్ఠాత్మక ప్రాజెక్టులలో ఒకటన్నారు. యూపీలో ఐదో అంతర్జాతీయ విమాశ్రయంగా జెవార్​ రూపొందింది. ఈ విమానాశ్రయానికి 2021లో ప్రధాని నరేంద్ర మోదీ శంకుస్థాపన చేశారు.