సంభాల్​ హింస హైకోర్టును ఆశ్రయించిన ఎస్పీ ఎంపీ బుర్కే

లక్నో: యూపీలోని సంభాల్​ హింసలో తన ప్రమేయం లేదని అరెస్ట్​ ను తప్పించాలని ఎస్పీ ఎంపీ జియావుద్దీన్​ బుర్కే బుధవారం హైకోర్టును ఆశ్రయించారు. కేసును రద్దు చేయాలని పిటిషన్​ దాఖలు చేశారు. తాను చదువుకున్న ఎంపీనని పేర్కొన్నారు. అరెస్టుపై స్టే విధించి, కేసులను రద్దు చేయాలని పిటిషన్​ దాఖలు చేశారు. కాగా పోలీసులు బుర్కే 24న సంభాల్​ మసీదులో ప్రసంగం తరువాత అల్లర్లు చెలరేగాయని ఆరోపించారు. ముస్లింలను రెచ్చగొట్టడంతోనే హింస చెలరేగిందన్నారు. ఈ హింసలో ఐదుగురు మృతిచెందగా, 24 మంది సామాన్యులకు, 20 మంది పోలీసులకు తీవ్ర గాయాలయ్యాయని చెప్పారు. ఈ కేసులో ఎంపీ ప్రధాన నిందితుడన్నారు. పోలీసులు బుర్కేపై మరిన్ని ఆధారాలను సేకరించే పనిలో పడ్డారు.