పేలుడులో మృతి చెందిన రష్యా న్యూక్లియర్​ చీఫ్​ 

మాస్కో: రష్యా న్లూక్లియర్​ చీఫ్​ పేలుడులో మృతి చెందాడు. మంగళవారం ఇగోర్ కిరిల్లోవ్​ తన ఇంటి నుంచి బయటికి వస్తుండగా పేలుడు చోటు చేసుకుంది. ఈ పేలుడులో ఇగోర్​ తోపాటు, అతని సహాయకుడు కూడా మృతిచెందాడు. పేలుడుపై రష్​యా దర్యాప్తు బృందాలు ఆరా తీస్తున్నాయి. ఎలక్ట్రిక్ స్కూటర్‌లో బాంబు అమర్చి పేల్చినట్లు గుర్తించారు. పేలుడు కోసం 200 గ్రాముల టీఎన్​ టీని ఉపయోగించినట్లు అధికారులు గుర్తించారు. ఇగోర్​ 2017లో అణు దళాల చీఫ్​ గా నియమితులయ్యారు. రేడియేషన్, రసాయన, జీవ ఆయుధాల విభాగాలకు చీఫ్‌గా పనిచేశాడు. ఇగోర్​ కిరిల్లోవ్​ ఉక్రెయిన్​ తో యుద్ధంలో నిషేధిత రసాయన ఆయుధాలను వాడారనే ఆరోపణలపై ఉక్రెయిన్​ సెక్యూరిట సర్వీస్​ అతనిపై ఆంక్షలు విధించింది. కాగా కిరిల్లోవ్​ హత్యపై రష్యా తీవ్రంగా ప్రతిస్పందించింది. రష్యా పార్లమెంట్​ డిప్యూటీ స్పీకర్​ మాట్లాడుతూ..కిరిల్లోవ్​ హత్యకు ఖచ్చితంగా ప్రతీకారం తీర్చుకుంటామని హెచ్చరించారు.