పోరాటం మధ్యలో పారిపోతారా?

హరియాణా: రాహుల్ గాంధీ వయొనాడ్‌, అమేథీల నుంచి పోరాటం మధ్యలోనే పారిపోయారని కేంద్ర రక్షణ శాఖ మంత్రి రాజ్​ నాథ్​ సింగ్​ విమర్శించారు. ఓటమి భయంతోనే ఆయన పోరాటం మధ్యలో తప్పుకున్నారని అన్నారు. హరియాణాలోని రోహ్​ తక్​ బీజేపీ అభ్యర్థి అరవింద్​ శర్మ తరపున రాజ్​ నాథ్​ సింగ్​ శుక్రవారం ప్రచారం నిర్వహించారు. ఈ సందర్భంగా ఏర్పాటు చేసిన సభలో రాహుల్​ పై విరుచుకుపడ్డారు. 

పాక్​, బంగ్లా, అమెరికాలతో పోలిస్తే భారత్​ లో ఎరువుల ధరలు చాలా తక్కువగా ఉన్నాయని వివరించారు. మోదీ మార్క్​ పాలనలో భారత్​ దినదినాభివృద్ధి చెందుతుందన్నారు. 

పుల్వామా దాడిలో పాక్​ ప్రమేయం ఉందని చెప్పిన పాక్​ మాజీ మంత్రి ఫవాద్​ చౌదరి, ప్రస్తుతం రాహుల్​ గాంధీకి మద్దతు ఇవ్వడంపై ఆగ్రహం చేశారు. 
బీజేపీపై అభిమానం ఉన్న నేతల రాజీనామాతోనే పలు స్థానాలు ఏకగ్రీవమవుతున్నాయని రాజ్​ నాథ్​ సింగ్​ స్పష్టం చేశారు. 20 సార్లు కాంగ్రెస్​ అభ్యర్థులు కూడా ఎన్నికయ్యారని అప్పుడు లేని ప్రజాస్వామ్య ముప్పు ఇప్పుడు ఎలా వచ్చిందని ప్రశ్నించారు. 

కాంగ్రెస్​, కూటమి పార్టీల తీరుతోనే ప్రజాస్వామ్యానికి నిజమైన ముప్పు పొంచి ఉందని దేశ ప్రజలు గుర్తించారని తగిన సమయంలో సరైన తీర్పునీయబోతున్నారని రాజ్​ నాథ్​ సింగ్​ స్పష్టం చేశారు.