రూ. 20వేల కోట్ల రుణాల మోసం 35 చోట్ల కొనసాగుతున్న ఈడీ దాడులు

నా తెలంగాణ, న్యూఢిల్లీ: రూ. 20వేల కోట్ల బ్యాంకు రుణాల మోసం కేసులో ఈడీ గురువారం కూడా దాడులు కొనసాగిస్తోంది. ఈ మోసం వల్ల ప్రభుత్వానికి దాదాపు రూ. 10 నుంచి  రూ. 15వేల కోట్ల నష్టం వాటిల్లినట్లుగా ఈడీ గుర్తించింది. ఎసీఐఎల్​ లిమిటెడ్​పై మనీలాండరింగ్​ కింద ఎఫ్​ ఐఆర్​ నమోదు చేసింది. ఢిల్లీ, ముంబై, నాగ్​ పూర్​ లలోని 35 చోట్ల ఏకకాలంలో దాడులు నిర్వహిస్తోంది. సంస్థ ప్రమోటర్లైనా ఆమ్టెక్​ గ్రూప్​ దాని డైరెక్టర్లు అరవింద్​ ధామ్​, గౌతమ్​ మల్హోత్రా, ఇతరుల నివాసాలు కార్యాలయాలపై దాడులు కొనసాగుతున్నాయి.  వీరు బినామీ సంస్థలను నెలకొల్పి బ్యాంకుల ద్వారా రూ. 20వేల కోట్ల మోసానికి పాల్పడ్డారని ఈడీ చెబుతోంది. ఈ మనీలాండరింగ్​ పై పూర్తి విచారణ జరిపి నివేదిక సమర్పించాలని సుప్రీంకోర్టు కూడా ఈడీని ఆదేశించింది. అయితే నిందితులు బ్యాంకుల ద్వారా తీసుకున్న మొత్తాన్ని బినామీ సంస్థల ద్వారా నిదులను దారి మళ్లించి రియల్​ ఎస్టేట్​, విదేశాల్లో పెట్టుబడులు, వెంచర్లలో పెట్టుబడులు పెట్టినట్లుగా ఈడీ గుర్తించింది. బ్యాంకుల ద్వారా ఎక్కువగా రుణాలు పొందేందుకు తప్పుడు లెక్కలు చూపించారని ఈడీ గుర్తించింది. అయితే దాడులపై ఇంకా పూర్తి సమాచారాన్ని ఈడీ పంచుకోలేదు.