కేదార్​ నాథ్​ యాత్ర మార్గం పునరుద్ధరణ

డెహ్రాడూన్​: ఉత్తరాఖండ్​ లోని ప్రముఖ పుణ్యక్షేత్రం కేదార్​ నాథ్​ థామ్​ యాత్ర 15 రోజుల తరువాత శుక్రవారం తిరిగి ప్రారంభమైంది. జూలై 31న కురిసిన భారీ వర్షాలతో 29 చోట్ల భారీ యెత్తున కొండచరియలు విరిగిపడడంతో యాత్రను ప్రభుత్వం నిలిపివేసింది. కేదార్​ నాథ్​ ను ఇప్పటివరకు 10,93,632మంది భక్తులు  సందర్శించుకున్నారు. శుక్రవారం రెండువందల మంది యూపీ, గుజరాత్​, హరియాణా నుంచి యాత్రికులు యాత్ర కోసం బయలుదేరినట్లు ఆలయ ట్రస్టు వెల్లడించింది. అయితే ప్రస్తుతం కాలినడకనే యాత్రికులను అనుమతిస్తున్నారు. కొండచరియలు విరిగిపడ్డ ప్రాంతాల్లో సీఎం పుష్కర్​ సింగ్​ ధామి నేతృత్వంలోని ప్రత్యేక బృందం శిథిలాలను తొలగించే పనిని చేపట్టింది. కొండచరియలను తొలగించే పనిని 260 మంది ప్రత్యేక బృందం చేపట్టింది. రాకపోకలకు మార్గం సుగమం చేసింది.