రేపే సీఎం రాజీనామా?

నా తెలంగాణ, న్యూ ఢిల్లీ: ఢిల్లీ సీఎం అరవింద్​ కేజ్రీవాల్​ తన సీఎం పదవికి మంగళవారం రాజీనామా సమర్పించనున్నారు. సోమవారం ఆప్​ పార్టీ నాయకుడు సౌరభ్​ భరద్వాజ్​ విలేకరులతో మాట్లాడుతూ ఈ విషయంపై సమాచారం అందించారు. సీఎం రాజీనామా అనంతరం పార్టీ ఎమ్మెల్యేల సమావేశం ఉంటుందన్నారు. పీఏసీ, శాసనసభ పక్ష సమావేశంలో సీఎం పదవిని ఎవరు చేపట్టాలనేదానిపై నిర్ణయం తీసుకుంటామని తెలిపారు.  మనీష్​ సిసోడియా సీఎం అభ్యర్థి ఎవరన్నదానిపై సోమవారం సాయంత్రం కేజ్రీవాల్​ తో భేటీ కానున్నారు. కేజ్రీవాల్​ భార్య సునీత, ఆప్​ మంత్రి అతిషి, గోపాల్​ రాయ్​ సీఎం అభ్యర్థులుగా ముందువరుసలో ఉన్నారు.