మతమార్పిళ్లపై రాజస్థాన్​ చట్టం

జైపూర్​: రాజస్థాన్​ లోని భజన్​ లాల్​ ప్రభుత్వం మతమార్పిళ్లకు వ్యతిరేకంగా చట్టం తీసుకురానుంది. మతమార్పిళ్లపై సుప్రీంకోర్టు సీనియర్​ న్యాయమూర్తుల సలహాలు, సూచనలు స్వీకరిస్తున్నట్లు తెలిసింది. బుధవారం ఈ విషయాన్ని సీఎంకు అత్యంత సన్నిహితులైన నాయకులు వివరించారు. సుప్రీం సూచన మేరకు చట్టం మార్గదర్శకాలను రూపొందించి చట్టాన్ని ఆమోదించేలా ప్రయత్నిస్తున్నామన్నారు. ఖచ్చితంగా మతమార్పిళ్లపై చట్టం తీసుకువచ్చిన తొలి రాష్ర్టంగా రాజస్థాన్​ నిలుస్తుందన్నారు. కాగా 2006లో వసుంధర రాజే ప్రభుత్వంలోనే మతమార్పిళ్లపై అప్పటి ప్రభుత్వం చట్టాన్ని తీసుకువచ్చేందుకు అసెంబ్లీ, రాజ్యసభల్లో ఆమోదం లభించింది. పార్లమెంట్​, రాష్ర్టపతిలు ఈ చట్టాన్ని ఆమోదించకపోవడంతో మతమార్పిడి చట్టం బిల్లు నిలిచిపోయింది.