రైసీ దుర్మరణం అధికారుల తప్పిదమే?

టెహ్రాన్​: ఇరాన్​ అధ్యక్షుడు ఇబ్రహీం రైసీ మృతి చెందడంలో కొన్ని అంశాలను పరిశీలిస్తే ఆ దేశ అధికారుల తప్పిదమే తీవ్రంగా గోచరిస్తుంది. బెల్​ 212 విమానం 30ఏళ్లుగా సేవలు కొనసాగిస్తుంది. ఇప్పటికే దాని కాలపరిమితి మించిపోయింది. మరోవైపు అత్యాధునిక వాతావరణ విశ్లేషణను అందించే పరికరాలు కూడా ఇందులో లేకపోవడం గమనార్హం. ఇంకోవైపు ఆ హెలికాప్టర్​ ప్రయాణించాల్సిన సమయం కంటే అధిక సమయం ప్రయాణించినా దాన్ని వినియోగించారు. ప్రమాదం జరిగే సమయంలో కూడా భద్రతా అధికారులు దాని ఎత్తును పట్టించుకోలేదు.

ఈ విమానం ఒక స్థాయి వరకు మాత్రమే ఎత్తు ఎగిరే సామర్థ్యాన్ని కలిగి ఉంది. దీన్ని కూడా అధికారులు విస్మరించారు. ప్రమాద సమయంలో నిర్దేశిత ఎత్తుకంటే ఎక్కువ ఎత్తులో విమానం ప్రయాణించారని విచారణలో గుర్తించారు. వీటన్నింటినీ అధికారులు పట్టించుకొని ఉంటే ఆ విమానంలో అధ్యక్షుడు రైసీ ప్రయాణించేవారే కాదు. 

మరోవైపు గతంలో ఈ విమానాలను అమెరికా రూపొందించిన దీని నిర్వహణ బాధ్యతలను చూడాల్సిన కంపెనీతో ఇరాన్​ విబేధాల కారణంగా ఆ సంస్థ వీటి నిర్వహణను పూర్తిగా వదిలేసింది. ఈ నేపథ్యంలో ఇరాన్​ కే చెందిన ఓ సంస్థ ఈ హెలికాప్టర్​ నిర్వహణ బాధ్యతలను పర్యవేక్షిస్తోంది. మరో అతిముఖ్యమైన విషయం ఏమిటంటే అధ్యక్షుడు ప్రయాణించే ఈ విమానంలో ఆరుగురికే కూర్చొనే సామర్థ్యం ఉంది. ప్రమాద సమయంలో మొత్తం 9మంది ప్రయాణించడం గమనార్హం.

ఈ సమయంలో భద్రతాధికారులు, ఏవియేషన్​ అధికారులు ఏం చేస్తున్నట్లోననే విమర్శలు వెల్లువెత్తుతున్నాయి. 

మరోవైపు ఈ విమానానికి సంబంధించిన విడిభాగాలను సైతం చాలాయేళ్లుగా మార్చలేదు. అమెరికా ఇరాన్​ మీద ఆంక్షల వల్ల విడిభాగాల కొనుగోళ్లు సైతం ఇరాన్​ చేయలేకపోయింది. దీంతో ఈ రకం విమానాల విడిభాగాలు లభించడం గగనమైపోవడంతో పాతభాగాలకే మరమ్మతులు చేస్తూ వినియోగించడం కూడా ప్రమాదానికి మరో కారణంగా తెలుస్తోంది.

ఇరాన్​ అధ్యక్షుడు రైసీ మరణంపై అమెరికా సంతాపం వ్యక్తం చేస్తూనే మరోవైపు విచారణ కోసం తమ బృందాలను రంగంలోకి దింపేది లేదని బహిరంగంగానే చెప్పారు. ఇంకోవైపు ఇజ్రాయెల్​ పై ఇరాన్​ నిరాధార ఆరోపణలు చేస్తుందన్నారు. రైసీ మరణంతో తమ దేశానికి ఏం సంబంధం లేదని స్పష్టం చేశారు.