నాణ్యమైన ఆధునిక వైద్యసేవలు ఏయిమ్స్ 63 శాతం పనులు పూర్తి
కేంద్రమంత్రి జి.కిషన్ రెడ్డి
నా తెలంగాణ, హైదరాబాద్: తెలంగాణ ప్రజలకు నాణ్యమైన, ఆధునికమైన ఆరోగ్య సేవలందించేందుకు కేంద్ర ప్రభుత్వం కట్టుబడి ఉందని తెలంగాణ రాష్ర్ట బీజేపీ అధ్యక్షుడు, కేంద్ర బొగ్గు గనుల శాఖ మంత్రి జి.కిషన్ రెడ్డి అన్నారు. ప్రధాని నరేంద్ర మోదీ ముందుచూపుతో బీబీ నగర్ ఏయిమ్స్ ను రూ. 1500 కోట్ల వ్యయంతో నిర్మిస్తున్న ఈ ఆసుపత్రి పనులు 63 శాతం పూర్తి అయ్యాయని కిషన్ రెడ్డి శనివారం సామాజిక మాధ్యమంగా వెల్లడిస్తూ హర్షం వ్యక్తం చేశారు.
ఈ ఆసుపత్రిలో 750 పడకలు ఉండనుండగా, 100 సీట్ల మెడికల్ కాలేజీ, 60 సీట్ల నర్సింగ్ కళాశాలు, 30 పడకల ఆయుష్ బ్లాక్ లను ఏర్పాటు చేశారు.
201 ఎకరాల సువిశాల స్థలంలో దీన్ని నిర్మించారు. ఆసుపత్రి పూర్తి నిర్మాణం పూర్తి అయితే అత్యాధునిక స్థాయిలో స్పెషాలిటీ, సూపర్ స్పెషాలిటీ విభాగాల ద్వారా వైద్యం అందనుంది.
2019లోనే ఎంబీబీఎస్ విద్యార్థులతో తొలి బ్యాచ్ ను ప్రారంభించారు. అనంతరం కూడా పలు విభాగాలు ప్రారంభిస్తూ వైద్యసేవలు అందిస్తున్నారు. అంతేగాక ఏయిమ్స్ ఆధ్వర్యంలో యాదాద్రి భువనగిరి జిల్లాల్లోని పలు ప్రాంతాల్లో ఉచిత వైద్యసేవలను కూడా అందిస్తున్నారు. ప్రధానమంత్రి స్వాస్థ సురక్ష యోజన కింద ఈ ఆసుపత్రిని నిర్మిస్తున్నారు.
