పోలాండ్​ కు ప్రధాని మోదీ

నా తెలంగాణ, న్యూ ఢిల్లీ: ప్రధానమంత్రి నరేంద్ర మోదీ రెండురోజుల పర్యటన నిమిత్తం బుధవారం ఉదయం పోలాండ్​ కు బయలుదేరారు. ఈ పర్యటనలో భారత్​–పోలాండ్​ మధ్య ద్వైపాక్షిక సంబంధాల పటిష్ఠం, ఆ దేశంలో ఉన్న భారతీయులను ఉద్దేశించి ప్రసంగించనున్నారు. ఈ సందర్భంగా ప్రధాని పోలాండ్​ కు బయలుదేరే ముందు ప్రధాని డోనాల్డ్​ టస్క్​, అధ్యక్షుడు ఆండ్రెజ్​ దుడాతో భేటీ కోసం ఎదురుచూస్తున్నట్లు తెలిపారు. 

పోలాండ్​ పర్యటన అనంతరం ఉక్రెయిన్​ ను కూడా సందర్శించనున్నారు. ఉక్రెయిన్​ లో అధ్యక్షుడు జెలెన్స్కీని కలవనున్నారు. 

ఉక్రెయిన–రష్యా యుద్ధం సుదీర్ఘకాలంగా కొనసాగుతున్న నేపథ్యంలో భారత ప్రధాని మోదీ ఉక్రెయిన్​ లో పర్యటించడం ప్రాధాన్యతను సంతరించుకుంది. ఇప్పటికే పలు వేదికల ద్వారా ప్రపంచ శాంతికి భారత్​ కట్టుబడి ఉందని, తమ వంతు ప్రయత్నాలను చేస్తుందని ప్రధాని మోదీ ప్రకటించారు. ఈ నేపథ్యంలో ఉక్రెయిన్​ పర్యటన ప్రాధాన్యతను సంతరించుకుంది.