ప్రగతికి రోడ్​ మ్యాప్​ మహిళలు

నా తెలంగాణ, న్యూ ఢిల్లీ: మహిళా సాధికారత అనేది ధార్మిక లక్ష్యం కాదని, దేశ ప్రగతికి రోడ్‌మ్యాప్ అని అధ్యక్షురాలు ద్రౌపది ముర్ము అన్నారు. అంతర్జాతీయ మహిళా దినోత్సవం సందర్భంగా శుక్రవారం మీడియాతో మాట్లాడారు. మహిళలకు అంతర్జాతీయ మహిళా దినోత్సవ శుభాకాంక్షలు తెలిపారు. మహిళల భాగస్వామ్యం లేకుండా ఏ దేశం పూర్తి ఆర్థికాభివృద్ధిని సాధించలేదని, సమాజ శ్రేయస్సు అందించదని ముర్ము తెలిపారు. దేశంలోని మహిళలు అన్ని రంగాల్లో ఆత్మవిశ్వాసంతో ముందుకు సాగడం అభినందనీయమని పేర్కొన్నారు. లింగ సమానత్వమే లక్ష్యంగా దేశం ముందుకు వెళుతుండడాన్ని ముర్ము కొనియాడారు. చరిత్రను చూసుకుంటే మహిళల పట్ల అనేక పక్షపాతాలు ఉదాహరణలుగా లభిస్తాయని ముర్ము ఆందోళన వ్యక్తం చేశారు. అదే సమయంలో దేశ స్వాతంత్ర్యంలో మహిళలు కీలక భాగస్వామ్యాన్ని పోషించిన విషయాన్ని అధ్యక్షురాలు గుర్తు చేశారు. మహిళలు చేయగలరనే స్ఫూర్తితో ప్రతీరోజు మహిళా దినోత్సవం జరుపుకోవాలని రాష్ర్టపతి ద్రౌపది ముర్ము అన్నారు.