భారత్​ పై పాక్​, బంగ్లా కుట్రలు

అలజడులకు ప్లాన్​
ఐఎస్​ ఐతో సరిహద్దుల ద్వారా చొరబాట్లు
పాక్​ పౌరులకు వీసా సడలింపు
బంగ్లా ఉగ్ర ఖైదీలకు స్వేచ్ఛా వాయువులు
కుయుక్తుల వెనుక చైనా హస్తం
సరిహద్దుల్లో హై అలర్ట్​
పాక్​, బంగ్లాకు ఐఎంఎఫ్​ షాక్​
డోలాయమానంలో చైనా ఆర్థిక స్థితి
దిద్దుబాటు చర్యల కోసం ఆయుధాల సరఫరా
భారత్​ పై క్షక్ష్య పూరిత చర్యలకు ప్రణాళిక

నా తెలంగాణ, సెంట్రల్​ డెస్క్​: బంగ్లాదేశ్​ రాడికల్​ ఇస్లామిస్టులతో కలిసి పాక్​ ఐఎస్ ఐ కొత్త కుట్రలకు తెరతీస్తుంది. ఐఎస్​ ఐ ఏజెంట్లను బంగ్లా సరిహద్దుల నుంచి నేరుగా భారత్​ లోకి పంపే ఏర్పాట్లు చేస్తున్నట్లు ఇంటలిజెన్స్​ అనుమానిస్తుంది. భారత్​ లో విధ్వంసాలు సృష్టించాలనే లక్ష్యంతో ఇరుదేశాలు పన్నాగం పన్నినట్లు స్పష్టం అవుతుంది. ఇప్పటికే బంగ్లా–భారత్​ సరిహద్దుపై భద్రతా దళాలు అప్రమత్తమయ్యాయి. ఓ వైపు పాక్​, రెండో వైపు బంగ్లాదేశ్​ రాడికల ఇస్లామిస్టులకు చైనా అన్ని రకాల సహాయ సహకారాలు అందజేస్తుంది. వ్యాపారాలు, వృద్ధి పేరుతో భారీగా ఇప్పటికే సరిహద్దులకు ఆయుధాలు తరలించింది. ఈ నేపథ్యంలో భారత్​ కూడా అప్రమత్తమై సరిహద్దుల వద్ద భారీ బందోబస్తును ఏర్పాటు చేసి భారీ ఎత్తున ఆయుధాలను కూడా సిద్ధంగా ఉంచింది. 

అందుకే దాడులా?..
అసలు బంగ్లా ప్రభుత్వం పడిపోవడం వెనుక అమెరికా, చైనా, పాక్​ హస్తం ఉందన్నది జగమెరిగిన సత్యం. ఇప్పుడు అదే పాక్​ తో అంటకాగిన బంగ్లా భారత్​ లో అలజడులకు ప్రణాళికలు రచిస్తుంది. ఇందులో భాగంగానే భారతీయులు, హిందు దేవాలయాలపై దాడులకు తెగబడుతూ రెచ్చగొట్టే ధోరణితో వ్యవహరిస్తుంది. మరో అడుగు ముందుకేసీ భారత్​ తో యుద్ధం చేసేందుకు సిద్ధంగా ఉన్నామని కూడా ప్రకటించింది. మరోవైపు ఈ విషయాలపై దృష్టి సారించిన చైనా తమ ఆర్థిక పరిస్థితులను చక్కదిద్దాలని భావిస్తుంది. రోజురోజుకు ఆర్థికంగా ఎదుగుతున్న భారత్​ చైనా కంటగింపుగా మారింది. కరోనా కాలం నుంచి చైనా ప్రపంచదేశాల నమ్మకాన్ని, విశ్వాసాన్ని పూర్తిగా కోల్పోయింది. ఆ తరువాత కూడా చైనా విదేశాల్లో బెలూన్లతో గూడఛర్యం, బయో విపన్స్​, హ్యాకింగ్​ లతో ఇప్పటికీ భయపెడుతోంది. దీంతో చైనా కుటీల నీతితో ప్రపంచదేశాలు దూరంగానే ఉంటూ భారత్​ తో సఖ్యతను కనబరుస్తున్నాయి. ఇదే చైనాకు కంటగింపుగా మారింది. మరోవైపు తమ దేశానికేం తక్కువని బయటికి చెప్పుకుంటున్నా ప్రస్తుతం ఆ దేశ ఆర్థిక పరిస్థితులు డోలాయమానంలో ఉన్నాయి. దీంతో పాక్​, బంగ్లాలకు ఆయుధాలు అందజేస్తూ భారత లో అలజడులు రేగితే వాటి తాలూకు లాభాలను పొందాలని కుయుక్తులు పన్నుతోంది. ఈ ట్రయాంగిల్​ పోరులో భారత్​ ఆచితూచి అడుగు వేస్తుంది.

సెక్యూరిటీ క్లియరెన్స్​ తో ఉగ్రవాదులకు స్వేచ్ఛ..
పాక్​ పౌరుల వీసా ఆంక్షలను బంగ్లా సడలించింది. సెక్యూరిటి క్లియరెన్స్​ నుంచి కూడా మినహాయింపునిచ్చింది. ఇది నేరుగా పాక్​ ఐఎస్​ ఐ ఏజెంట్లను బంగ్లా భారత్​ సరిహద్దుల్లోకి తరలించే పన్నాగం పన్నింది. ఇది భారత్​ కు ముప్పుతెచ్చే పరిణామం కావడంతో కేంద్రం అప్రమత్తమైంది. అంతేగాక బంగ్లాదేశ్​ జైళ్లలో ఉన్న 500కు పైగా కరడుకట్టిన ఉగ్రవాదులు ప్రస్తుతం స్వేచ్ఛగా తిరుగుతున్నారు. వీరు కూడా భారత్​ కు పెనుముప్పుగా పరిణమించే అవకాశం ఉంది. 

చతుర్ముఖ వ్యూహంతో భారత్​ ముందుకు..
ఈ రెండు మూడు దేశాలు కుటీల నీతితో భారత్​ లోని ఈశాన్య రాష్​ర్టాలకు ప్రమాదం ఎక్కువగా పొంచి ఉంది. ఈ నేపథ్యంలోనే భారత్​ అప్రమత్తమై అత్యాధునిక ఆయుధాలను కూడా ఈ ప్రాంతాలకు తరలించే ఏర్పాట్లు చేసింది. అసోం, పశ్చిమ బెంగాల్​, మేఘాలయ, మణిపూర్​ తదితర ప్రాంతాల ద్వారా చొరబడాలని ప్రణాళికలు సిద్ధం చేసినట్లుగా ఇంటలిజెన్స్​ వద్ద పక్కా సమాచారం ఉంది. ముఖ్యంగా అసోం, మేఘాలయ సరిహద్దు బ్రాహ్మణబారియా జిల్లా ద్వారా చొరబాట్లు జరిగే ఆస్కారం ఉందని పక్కా సమాచారాన్ని కేంద్రంతో పంచుకుంది. దీంతో కేంద్రం భద్రతా దళాలను అప్రమత్తం చేసింది. ప్రస్తుత తరుణంలో ఈ ముప్పును తప్పించేందుకు, సమర్థవంతంగా ఎదుర్కొనేందుకు దౌత్యం, వ్యూహం, ఇంటెలిజెన్స్, మిలిటరీ అనే చతుర్ముఖ వ్యూహాన్ని భారత్​ అనుసరించనుంది. ఈ మేరకు కేంద్రం ఇప్పటికే చర్యలను ప్రారంభించింది. 

చైనా ఉచ్చులో పాక్​, బంగ్లా..
చైనా ఉచ్చులో పడ్డ పాక్​ ఇప్పటికే ఆర్థికంగా గడ్డు పరిస్థితులను ఎదుర్కుంటుంది. ఈ పరిణామాలను గమనించిన గిల్గిత్​ ఖైబర్​ ఫంక్తువ్వా, పాక్​ ఆక్రమిత కాశ్మీర్​ లోని ప్రజలు పాక్​ ప్రభుత్వ చర్యలను ఎండగడుతూ పలుమార్లు చైనా జాతీయులపై దాడులకు తెగబడుతున్నారు. ఇప్పుడు బంగ్లా కూడా అదే దిశలో వెళుతూ ఇప్పటికిప్పుడు భారత్​ ను ఇరకాటంలోకి నెట్టాలని చూస్తూన్నా తమ దేశ ఆర్థిక పరిస్థితులను పూర్తిగా విస్మరిస్తుంది. ఇప్పటికే ఐఎంఎఫ్​ (ఇంటర్నేషనల్​ మోనిటరింగ్​ ఫండ్​) ద్వారా పాక్​ గత ఐదేళ్లుగా అప్పుకు గిన్నె పట్టుకొని తిరుగుతున్నా నయా పైసా రాల్చలేదు. బంగ్లా కూడా ఐఎంఎఫ్​ సహాయం చేయాలని దేశంలో ఆర్థిక అస్థిరతలు నెలకున్నాయని విన్నవించింది. 

ఆయుధాలు సరిహద్దులకు వస్తాయా?..
శాంతియుత, అభివృద్ధి దిశగా సాగుతున్న భారత్​ తో పెట్టుకొని అడుక్కున్న, అడుక్కుతింటున్న పరిస్థితికి ఇప్పటికే బంగ్లాదేశ్​ చేరింది. మరోవైపు యుద్ధం అంటు ఆ దేశ సైనిక ఉన్నతాధికారి చెప్పడం విడ్డూరాన్ని కలిగిస్తుంది. ఒకవేళ భారత్​ తో యుద్ధానికి సై అంటే ఆ దేశ ఆయుధ సంపత్తిని సరిహద్దు వరకూ తీసుకువచ్చేందుకు పెట్రోల్​ కు కూడా డబ్బులు సరిపోవద్దని పాపం ఆ సైనికాధికారికి తెలియదనుకుంటా? పాక్​ కూడా ఆ మధ్య అణుబాంబులు, ట్యాంకులు అంటూ ఊదరగొట్టింది. కానీ ఆ దేశ ఆయుధాలు, విమానాలను సైతం అజర్​ బైజాన్​ లాంటి చిన్న దేశాలకు అమ్ముకున్నది. మరోవైపు బీరాలు పోతూ తెరవెనుక ఉండి గేమ్​ ప్లే చేస్తున్న చైనా వారి యుద్ధ ట్యాంకుల్లో నీళ్లు ఉన్నాయన్న సంగతిని విస్మరించినట్లుంది. 

ఏది ఏమైనా భారత్​ అభివృద్ధి దిశగా అడుగిడుతుంటే, బంగ్లాదేశ్​, పాకిస్థాన్​, చైనాలు తమ గొయ్యి తాము తవ్వుకుంటున్నాయి.