నేడే ప్రయాగ్​ రాజ్​ లో మోదీ పర్యటన

రూ. 5,500 కోట్ల అభివృద్ధి ప్రాజెక్టులకు శంకుస్థాపన

లక్నో: ప్రయాగ్​ రాజ్​ లో ప్రధానమంత్రి నరేంద్ర మోదీ శుక్రవారం (డిసెంబర్​ 13)న రూ. 5,500కోట్ల విలువైన అభివృద్ధి ప్రాజెక్టులను ప్రారంభించనున్నారు. ఈ మేరకు ప్రధాని కార్యాలయం గురువారం మోదీ పర్యటన వివరాలపై ప్రకటన విడుదల చేసింది. 13న ఉత్తరప్రదేశ్​ లోని ప్రయాగ్​ రాజ్​ ని సందర్శించి అక్కడ ఆధ్యాత్మిక కార్యక్రమాల్లో పాల్గొంటారు. పర్యాటక ప్రాంతాన్ని పెంపొందించే కీలక మౌలిక సదుపాయాల ప్రాజెక్టులను ప్రారంభిస్తారు. మధ్యాహ్నం 12.15 గంటలకు సంగం వద్ద పూజలో పాల్గొంటారు. 12.40కి అక్షయ వట వృక్షం వద్ద పూజ, హనుమాన్​ దేవాలయం, సరస్వతి దర్శనం చేసుకుంటారు. ప్రత్యేక పూజలు నిర్వహిస్తారు. మధ్యాహ్నం 1.30 గంటలకు మహాకుంభ్​–2025 ఎగ్జిబిషన్​ సైట్​ ను వీక్షిస్తారు. 2 గంటలకు పది కొత్త రోడ్​ ఓవర్​ బ్రిడ్జిలు, ఫ్లై ఓవర్​లు, శాశ్వత ఘాట్​ లు, రివర్​ ఫ్రంట్​ రోడ్​ ప్రాజెక్టులను ప్రారంభిస్తారు. మోదీ ప్రారంభించనున్న ఈ ప్రాజెక్టులు మహాకుంభ్​ కు పాల్గొనే భక్తులకు అసౌకర్యాలను పూర్తిగా తొలగించనుంది.