ఢిల్లీ ఎన్నికల్లో ఎన్సీపీ (అజిత్​) పోటీ!

30 మంది అభ్యర్థుల జాబితా విడుదల

నా తెలంగాణ, న్యూ ఢిల్లీ: న్యూ ఢిల్లీ అసెంబ్లీ ఎన్నికల్లో ఎన్సీపీ (అజిత్​) 30 మంది అభ్యర్థుల జాబితాను శుక్రవారం విడుదల చేసింది. ఎన్డీయేలో భాగస్వామ్యమైన ఎన్సీపీ రంగంలోకి దిగడం పట్ల ఆప్​–కాంగ్రెస్​ ల ప్రాబల్యాన్ని తగ్గించే అవకాశం ఉన్నట్లుగా రాజకీయ విశ్లేషకులు భావిస్తున్నారు. న్యూ ఢిల్లీ, కల్కాజీ, కరవాల్​ వంటి కీలక స్థానాల్లో కూడా తమ పార్టీ తరఫున అభ్యర్థులను రంగంలోకి దింపింది. మహారాష్ర్టలో ఎన్సీపీ బీజేపీకి మిత్రపక్షంగా కొనసాగుతుంది. కానీ ఢిల్లీ ఎన్నికల్లో పొత్తు పెట్టుకోలేదు. ఎన్సీపీ ఢిల్లీలోనూ తన ఉనికిని చాటుకోవాలని భావిస్తున్నట్లు తెలుస్తుంది. కాగా ఎన్సీపీ నిర్ణయంతో ఇక్కడ త్రిముఖ పోటీకి అవకాశం ఉంది. 2020 ఢిల్లీ ఎన్నికల్లోనూ ఎన్సీపీ ఐదు స్థానాల్లో పోటీ చేసినా ఒక్క స్థానాన్ని గెలుచుకోలేకపోయింది. అయితే అజిత్​ పవార్​ తో తెగదెంపులు చేసుకున్నాక ఎన్సీపీకి అజిత్​ పవార్​ నేతృత్వం వహిస్తూ తొలిసారి ఢిల్లీ ఎన్నికల్లో పోటీకి దిగడం గమనార్హం.