కెనడా ప్రధాని రేసులో చంద్ర ఆర్య

కేంద్రమంత్రి ఎస్​. జై శంకర్​ హర్షం
కర్ణాటక భారత సంతతి వ్యక్తి
గతంలో మోదీతోనూ భేటీ
ఇరుదేశాల బంధాలపై చర్చ

ఒట్టావా: కెనడా ప్రధాని అభ్యర్థిత్వానికి భారత సంతతికి చెందిన ఎంపీ చంద్ర ఆర్య శుక్రవారం నామినేషన్​ దాఖలు చేశారు. ఈయన కర్ణాటకలోని తుమకూరు జిల్లాకు చెందినవారు. కెనడా వెళ్ళేముందు ధార్వాడ్​ లో ఎంబీఏ పూర్తి చేశారు. ఇందిరాగాంధీ హత్య సమయంలో కెనడాలో హిందూ దేవాలయాల విధ్వంసాలను తీవ్రంగా ఖండిస్తూ ఆందోళనలు కూడా చేపట్టారు. ఆయన ధైర్యాన్ని మెచ్చుకున్న పలువురు రాజకీయాల్లోకి ఆహ్వానించడంతో ఆయన రాజకీయాల వైపు మళ్లారు. సురక్షితమైన, సమర్థవంతమైన భవిష్యత్​ ను పునర్నిర్మించేందుకు ప్రధానమంత్రి పదవికి పోటీ చేస్తున్నానని ఆర్య ప్రకటించారు. చంద్ర ఆర్య పోటీ పట్ల భారత విదేశాంగ శాఖ మంత్రి ఎస్​. జై శంకర్​ సంతోషం వ్యక్తం చేశారు. లిబరల్​ పార్టీ తరఫున ఆర్య గెలిస్తే భారత్​–కెనడాల మధ్య నిర్ణయాలు మరింత బలోపేతం అవుతాయని, ధైర్యంగా నిర్ణయాలను తీసుకుంటామని జై శంకర్​ ప్రకటించారు. గతంలో ప్రధాని నరేంద్ర మోదీని కలిసి ఆర్య అనేక అంశాలపై చర్చించారు. భారత్​–కెనడాల మధ్య సంబంధాల బలోపేతం, ప్రాముఖ్యతను వివరించారు. కెనడా ప్రధానమంత్రి జస్టిన్ ట్రూడో రాజీనామా నిర్ణయం అనంతరం నూతన ప్రధాని ఎన్నికయ్యే వరకు తాను తాత్కాలిక ప్రధానిగా సేవలందించనున్నానని ప్రకటించారు.