బంగ్లా, కెనడాలను నిశితంగా గమనిస్తున్నాం

నా తెలంగాణ, న్యూ ఢిల్లీ: బంగ్లాదేశ్​, కెనడాల్లో రాజకీయ గందరగోళాన్ని భారత్​ నిశితంగా గమనిస్తుందని, అదే సమయంలో రష్​యాలో చిక్కుకుపోయిన 96మంది భారతీయులను వెనక్కి రప్పించామని భారత విదేశాంగ మంత్రిత్వ శాఖ ప్రతినిధి రణధీర్​ జై స్వాల్​ అన్నారు. శుక్రవారం న్యూ ఢిల్లీలో విలేఖరుల అడిగిన ప్రశ్నలకు సమాధానం ఇచ్చారు. భారత్​ అన్ని దేశాలతోనూ సత్సంబంధాలనే కోరుకుంటుందన్నారు. అందుకే ప్రతి ఒక్క అంశంపై బంగ్లా, కెనడాలకు తమ ఉద్దేశ్యాలను స్పష్టంగా తెలియజేశామన్నారు. భారత్ వైఖరి ఈ విషయంలో స్పష్టంగా ఉందన్నారు. అలాగే సరిహద్దులో స్మగ్లింగ్​, నేర కార్యకలాపాలు, మానవ అక్రమ రవాణాను పూర్తి నిర్మూలించే ప్రయత్నాలు కొనసాగుతాయన్నారు. ముళ్ల కంచెలు, సరిహద్దు లైటింగ్​, సాంకేతిక పరికరాలను ఏర్పాటు చేస్తున్నామని తెలిపారు. ఇరుదేశాలతో ప్రస్తుతానికి సంబంధాలు అంత బాగా లేనట్లు కనిపించినా తాము వాటిని చక్కదిద్దే ప్రయత్నాలను చేస్తున్నామని జైస్వాల్​ చెప్పారు. రష్​యా సైన్యం పనిచేస్తున్న 12 మంది భారతీయులు ఇప్పటివరకు మృతి చెందారని అన్నారు. భారతీయ పౌరులపై 126 కేసులు నమోదయ్యాయన్నారు. 96 మంది భారతీయులను వెనక్కు తీసుకువచ్చామన్నారు.