కుంభమేళాలో మరోసారి అగ్నిప్రమాదం

లక్నో: మహాకుంభ మేళాలో మరోసారి అగ్నిప్రమాదం చోటు చేసుకుంది. ఫైర్​ సేఫ్టీ అధికారులు, పోలీసులు అధికారులు అప్రమత్తంగా ఉండడంతో పెను ప్రమాదం తప్పింది. స్వల్ప సమయంలోనే మంటలను అదుపులోకి తీసుకువచ్చారు. గురువారం నాగేశ్వర్​ ఘాట్​ సెక్టార్​ 22లో జరిగిన ఈ ప్రమాదంలో పలు టెంట్లకు నిప్పంటుకుంది. వెంటనే గమనించిన సిబ్బంది అగ్నిమాపక యంత్రాలతో మంటలను ఆర్పివేశారు. ఈ ప్రమాదంలో 15 టెంట్లు దగ్ధమైనట్లు అధికారులు వివరించారు. ఎవరికీ ప్రమాదం జరగలేదన్నారు. ప్రస్తుతం పరిస్థితులు పూర్తి అదుపులో ఉన్నాయని మంటలు చెలరేగిన ప్రాంతాన్ని శుభ్రం చేస్తున్నట్లు వివరించారు.