ఆధునిక సాంకేతికత ఉపయోగకరం
డెహ్రాడూన్ రాజ్ భవన్ లో వర్చువల్ పర్యాటకం ప్రారంభం ఏఐ ద్వారా నూతన ప్రయోగాలకు అధ్యక్షురాలు ద్రౌపదీ ముర్మూ శ్రీకారం
డెహ్రాడూన్: ప్రస్తుత సమాజంలో ఆధునిక సాంకేతికత ఎంతో ఉపయోగకరంగా నిలుస్తుందని భారత రాష్ర్టపతి ద్రౌపదీ ముర్మూ అన్నారు. బుధవారం డెహ్రాడూన్ లోని రాజ్ భవన్ లో వర్చువల్ పర్యాటక కార్యక్రమాన్ని ప్రారంభించారు. ఈ సందర్భంగా ఆమె మాట్లాడుతూ.. ఏఐ టెక్నాలజీ ద్వారా రాజ్ భవన్ లో కొత్త ప్రయోగాలకు శ్రీకారం చుట్టామన్నారు. ఈ ప్రయత్నాలలో వర్చువల్ పర్యాటకం కూడా ఒకటి ముర్మూ వివరించారు. భవిష్యత్ లో ఈ సాంకేతికతతో దేశానికి మేలు చేకూరుతుందని తెలిపారు.
వర్చువల్ పర్యాటకం ద్వారా ప్రజలు డెహ్రాడూన్ రాజ్ భవన్ లో ఉన్న బోన్సాయ్ గార్డెన్, నక్షత్ర వాటిక, రాజప్రజ్ఞేశ్వర్ మహాదేవ్ దేవాలయం, రాజ్ భవన్ ఆరోగ్యధామ్, రాజలక్ష్మి గోశాల, గ్రంథాలయం డిజిటల్ పర్యాటక అనుభవాన్ని పొందొచ్చని తెలిపారు.
యూపీఈఎస్ విశ్వవిద్యాలయం (యూనివర్సిటీ ఆఫ్ పెట్రోలియం అండ్ ఎనర్జీ స్టడీస్) విశ్వవిద్యాలయం సహకారంతో తయారు చేశారు.
ఈ కార్యక్రమంలో అత్యధికులు పాల్గొని వారసత్వాన్ని కాపాడుకునే ప్రయత్నం చేయాలని తెలిపారు. అదే విధంగా తమ తమ నూతన అనుభవాలను పంచుకోవాలని ముర్మూ కోరారు. ఈ కార్యక్రమంలో ప్రథమ మహిళ గుర్మీత్ కౌర్, గవర్నర్ కార్యదర్శి రవినాథ్ రామన్, అదనపు కార్యదర్శి స్వాతి ఎస్ భదౌరియా, యూపీఈఎస్ వైస్ ఛాన్సలర్ ప్రొఫెసర్ శ్రీరామ్ శర్మ, జాయింట్ డైరెక్టర్ ఇన్ఫర్మేషన్ డా. నితిన్ ఉపాధ్యాయ్, వీరేంద్ర సింగ్ పుండిర్, ప్రొఫెసర్ పంకజ్ బదోని తదితరులు పాల్గొన్నారు.
