తిరంగా ర్యాలీకి అనుమతి నిరాకరణ

చెన్నై: ప్రధాని నరేంద్ర మోదీ ‘హర్​ ఘర్​ తిరంగా’ పిలుపు మేరకు తమిళనాడులోని తిరువళ్లూరు గుమ్మిడి పూండి పట్టణ అధ్యక్షుడు నటరాజన్​ తిరంగా ర్యాలీకి డీఎంకే ప్రభుత్వం అనుమతి నిరాకరించింది. దీంతో తిరంగా ర్యాలీపై అనుమతి నిరాకరణను నటరాజన్​ లేఖలతో సహా డీఎంకే ప్రభుత్వంపై విమర్శలు చేస్తూ బుధవారం సోషల్​ మీడియాలో పెట్టారు.

ఇటీవల కరుణానిధి ర్యాలీని ఆ పార్టీ పెద్ద యెత్తున ర్యాలీ నిర్వహించిందని గుర్తు చేశారు. అప్పుడు రాని ట్రాఫిక్​ సమస్య దేశ భక్తిని చాటుకునే తిరంగా ర్యాలీకి అడ్డంకిగా ఎలా మారిందని మండిపడ్డారు. 

కాగా ఈయన పోస్ట్​ కు విశేష స్పందన లభిస్తోంది. డీఎంకే ప్రభుత్వంపై తీవ్ర విమర్శలు, ఆరోపణలు వెల్లువెత్తుతున్నాయి. దేశభక్తిని ప్రదర్శించకుండా అడ్డుకుంటున్న డీఎంకే పార్టీ ఏ దేశంలో ఉందో ఒక్కసారి గుర్తు చేసుకోవాలని మండిపడుతున్నారు.