మేళాలో మంత్రి రాజ్​ నాథ్​ పుణ్యస్నానం

లక్నో: కేంద్ర రక్షణ శాఖ మంత్రి రాజ్​ నాథ్​ సింగ్​ శనివారం ప్రయాగ్​ రాజ్​ లోని మహాకుంభ్​ మేళాలో పుణ్య స్నానమాచరించారు. ఈ సందర్భంగా పోలీసులు భారీ బందోబస్తును ఏర్పాటు చేశారు. మంత్రి రాజ్​ నాథ్​ సింగ్​ స్నానానికి ముందు వేదపండితుల ఆశీర్వచనాలు తీసుకున్నారు. అనంతరం పుణ్య స్నానమాచరించారు. మంత్రి రాక సందర్భంగా శుక్రవారం రాత్రి ఘాట్ల వద్ద అనుమానాస్పదంగా ఉన్న 18 మంది వ్యక్తులను అరెస్ట్​ చేశారు. వారి వద్ద ఎలాంటి ఆధారాలు లభించకపోవడంతో దొంగతనాలకు పాల్పడుతున్నారా? లేదా ఇంకేమైనా ఉద్దేశ్యం ఉందా? అనేది విచారిస్తున్నారు. మంత్రి రాజ్​ నాథ్​ సింగ్​ మధ్యాహ్నం 12 గంటలకు ఆరైల్​ లోని డీపీఎస్​ లో హెలిప్యాడ్​ లో దిగి జాతర ప్రాంతానికి వెళ్లారు. మరోవైపు మంత్రి రాక సందర్భంగా సెక్టార్​ 18లో బాంబు ఉందనే కాల్​ రావడంతో అధికారులు అణువణువు శోధించారు. ఏమీ లభ్యం కాకపోవడంతో ఉపిరిపీల్చుకున్నారు. ఫేక్​ కాల్​ పై విచారిస్తున్నారు.